नेपालगञ्जमा मधुमेह सेवा केन्द्र सञ्चालन, स्वास्थ्य राज्यमन्त्रीद्वारा उद्घाटन

स्वास्थ्य

गृहपृष्ठ
स्वास्थ्य
नेपालगञ्जमा मधुमेह सेवा केन्द्र सञ्चालन, स्वास्थ्य राज्यमन्त्रीद्वारा उद्घाटन

नेपालगञ्जमा मधुमेह सेवा केन्द्र सञ्चालन, स्वास्थ्य राज्यमन्त्रीद्वारा उद्घाटन

सोमबार, असार २७, २०७९ बागेश्वरी पोस्ट

नेपालगञ्ज । नेपालगञ्जमा लायन रामनारायण मधुमेह सेवा केन्द्र सञ्चालनमा आएको छ । उक्त केन्द्रको आज एक कार्यक्रमका बीच स्वास्थ्य राज्यमन्त्री हिराचन्द्र केसीले उद्घाटन गरे । करिब २० लाखको लागतमा मधुमेह सेवा केन्द्र निर्माण गरिएको लायन्स पूर्व डिष्ट्रिक्ट गभर्नर शेम शाक्यले बताए ।

केन्द्रका लागि लायन रामनारायणको परिवारबाट करिब १२ लाख र बाँकी स्रोत लायन्स मेम्बर तथा क्लबहरुबाट जुटाइएको बताइएको छ । स्वास्थ्यकर्मी समेत रहेका लायन शाक्यले केन्द्रबाट बजारमा गरिने परीक्षण भन्दा ५० प्रतिशत कम शुल्कमा रक्त परीक्षण गर्ने जानकारी दिए । उनले सेवा केन्द्रबाट लिभर, किड्नीको फङ्सन परीक्षण पनि हुने बताए । केन्द्रमा २ जना कन्सल्टेन्ट चिकित्सकले सेवा समेत दिने उनको भनाई छ ।

मधुमेहका बिरामी बढ्दै गएपछि उनीहरुलाई लक्षित गरेर छुट्टै अस्पताल स्थापना गरिनु उपलब्धिपूर्ण रहेको मन्त्री केसीले बताए । उनले लायन रामनारायणले अस्पताल निर्माणका लागि पु¥याएको योगदानको उच्च प्रशंसा गरे । नेपालगन्जका नगर प्रमुख प्रशान्त विष्टले अस्पताल संचालनमा आउनु सुखद् भएको भन्दै उपमहानगरबाट हुन सक्ने आवश्यक सहयोगको प्रतिबद्धता जनाए ।

प्रकाशित मिति: सोमबार, असार २७, २०७९ १६:३२