बर्दिया अस्पतालबाट ९१ हजार जना बिरामीले लिए सेवा

स्वास्थ्य

गृहपृष्ठ
स्वास्थ्य
बर्दिया अस्पतालबाट ९१ हजार जना बिरामीले लिए सेवा

बर्दिया अस्पतालबाट ९१ हजार जना बिरामीले लिए सेवा

शुक्रबार, असार ३१, २०७९ बागेश्वरी पोस्ट

नेपालगन्ज । बर्दिया जिल्ला अस्पताल लुम्बिनी प्रदेशकै उत्कृष्ट अस्पताल हुन सफल भएको छ । बर्दिया जिल्ला अस्पताल लगातार दुई पटक प्रदेशको उत्कृष्ट अस्पताल हुन सफल भएको हो ।

उत्कृष्ट घोषित उक्त अस्पतालबाट चालू आर्थिक बर्षको जेठ मसान्तसम्म ९१ हजार जना बिरामीहरुले ओपिडी सेवा लिएका छन् । स्वास्थ्यकर्मी तथा कर्मचारीको संख्या कम भएपनि अस्पतालमा ९ हजार ५ सय जनाले आकस्मिक सेवा र ३८०० जना भर्ना भएर उपचार सेवा लिएका छन् ।

अस्पतालमा आएर १ हजार ४५० जना सुत्केरी भएका छन् । ती मध्ये २४० जनाको शल्यक्रिया गरिएको थियो । एसएनसीयूमा ३०० जना नवजात शिशुलाई भर्ना भई उपचार सेवा दिइएको छ । उक्त अवधिमा ८० जनाको मेजर शल्यक्रिया गरिएको अस्पतालले जनाएको छ ।

बर्दिया अस्पतालमा हाइड्रोशिलको नि:शुल्क सर्जरी सेवा समेत उपलव्ध हुँदा ९० जनाले उक्त सेवा लिएका छन् । अस्पतालमा स्वास्थ्य बिमा सेवामा आवद्ध भएका ३९ हजार नागरिकले उपचार सेवा लिएका छन् । ओसीएमसीमा १५४ जना, एआरटी सेवा लिएका १४९ जना, ११ हजारले एक्सरे सेवा, ३ हजारले इसिजी सेवा, १० हजारले युएसजी सेवा लिएका छन् ।

अस्पतालले जेरियाट्रिक सर्भिस, एसएसयू, डटस, कुष्टरोग, लगायतका सेवा समेत दिँदै आएको छ । ५० बेड क्षमता भएको अस्पतालमा ५९ वटा दरबन्दी भएपनि हाल ३२ जना मात्र कार्यरत छन् भने अस्पतालमा कर्मचारीको संख्या भने १०६ रहेको छ ।

प्रकाशित मिति: शुक्रबार, असार ३१, २०७९ १७:२२