गर्भवती तथा सुत्केरी आमालाई खाद्य वस्तु वितरण

स्वास्थ्य

गृहपृष्ठ
स्वास्थ्य
गर्भवती तथा सुत्केरी आमालाई खाद्य वस्तु वितरण

गर्भवती तथा सुत्केरी आमालाई खाद्य वस्तु वितरण

शुक्रबार, साउन २०, २०७९ बागेश्वरी पोस्ट

नेपालगञ्ज । नेपालगञ्ज उमहानगरपालिकाले गर्भवती तथा सुत्केरी आमाहरुलाई खाद्य वस्तु वितरण गर्न सुरु गरेको छ ।

नेपालगञ्ज उपमहानगरपालिकाभित्र सुनौलो १००० दिनका अति विपन्न तथा गरिव गर्भवती तथा सुत्केरीहरुलाई आजदेखि पोषिलो खाद्य वस्तु वितरण गर्न सुरु गरिएको स्वास्थ्य महाशाखाका जनस्वास्थ्य निरीक्षक जागेश्वर वस्नेतले जानकारी दिए ।

आज पहिलो दिन नेपालगञ्ज उपमहानगरपालिकाका नगर प्रमुख प्रशन्त विष्ट, उपप्रमुख कमरुद्दिन राई लगायतले गर्भवती तथा सुत्केरी आमाहरुलाई खाद्य बस्तु हस्तान्तरण गरेको बस्नेतले बताए ।

No description available.

मसिनो चामल, दाल, तेल, आयोडिनयुक्त नुन, अण्डा, १ किलो स्याउ सहितको खाद्य प्याकेज र त्यसमा नङ्कट र सावुन समेत समावेश गरेर प्याकेज तयार पारिएको हो । करिव २१ सय रुपैयाँ बराबरको प्याकेज प्राप्त गरेपछि गरिव तथा अति विपन्न गर्भवती तथा सुत्केरीले राहत महसुस गरेका छन् ।

नेपालगञ्ज उपमहानगरपालिकामा एक सय जना गर्भवती तथा सुत्केरीलाई खाद्य वस्तु वितरण गर्ने लक्ष्य लिइएको निरीक्षक बस्नेतले जानकारी दिए ।

प्रकाशित मिति: शुक्रबार, साउन २०, २०७९ १६:५३

प्रतिक्रिया दिनुहोस्