अपोलो मेडिक्स अस्पतालको रुपइडिहामा आजबाट सुपर स्पेसलिष्ट ओपीडी सुरु

स्वास्थ्य

गृहपृष्ठ
स्वास्थ्य
अपोलो मेडिक्स अस्पतालको रुपइडिहामा आजबाट सुपर स्पेसलिष्ट ओपीडी सुरु

अपोलो मेडिक्स अस्पतालको रुपइडिहामा आजबाट सुपर स्पेसलिष्ट ओपीडी सुरु

शनिबार, साउन २१, २०७९ बागेश्वरी पोस्ट

नेपालगन्ज । नेपालगन्जको सिमावर्ती बजार रुपइडिहामा लखनऊको प्रसिद्ध अपोलो मेडिक्स अस्पतालले आजबाट सुपर स्पेसलिष्ट ओपीडी सेवा सुरु गरेको छ ।

रुपइडिहाको अमान किदवई कम्प्लेक्स, इँग्लिश मिडियम प्राईमरी स्कूलकै सामुन्ने बहराइचका एमएलसी डा. प्रज्ञा त्रिपाठी, बहराइच जिल्लाका बिजेपी अध्यक्ष श्याम करन, टेकडीवाल र सोही जिल्लाकै प्रहरी प्रमुख एडिसनल एसपी ज्ञानन्जय सिंहले संयुक्तरुपमा आज सुपर स्पेसलिष्ट ओपीडी सेवाको उद्घाटन गरेका हुन् ।

कार्यक्रममा बोल्दै एमएलसी डा. प्रज्ञाले अब नेपालीलाई लखनऊ जानै नपर्ने बताइन् । त्यस्तै एडिसनल एसपी ज्ञानन्जयले अपोलो अस्पताल सुरु गरेको यो सेवाले सबैलाई फाइदा पुग्ने बताउँदै लखनऊ जान नपरेर समय र पैसाको बचत हुनुका साथै आफ्नै घर नजिक विशेषज्ञ चिकित्सकबाट परामर्श पाउँदा राम्रो हुने बताए ।

अस्पतालका सहायक प्रबन्धक ध्रुब गौड्का अनुसार उक्त सुपर स्पेसलिष्ट ओपीडी सेवामा प्रसिद्ध न्युरोलोजिष्ट विशेषज्ञ डा. नारांग, नेफ्रोलोजी एबं किड्नी रोग विशेषज्ञ डा. अग्रवालले आज १०० बढी नेपाली तथा रुपइडिहावासीको स्वास्थ्य जाँच गरेका छन् । अब हरेक महिनाको पहिलो शनिबार ३ बजेदेखि साँझ ५ बजेसम्म उक्त सेवा दिइनेछ । स्पेसलिष्ट ओपीडी सेवाको ६ सय शुल्क रहेको छ ।

उद्घाटन कार्यक्रममा अपोलो अस्पतालका प्रसिद्ध न्युरोलोजिष्ट विशेषज्ञ डा. धवल नारांग, नेफ्रोलोजी एबं किड्नी रोग विशेषज्ञ डा. जाँनी अग्रवाल, नेपालगन्जका उपमेयर कमरुद्दिन राई, रुपइडिहाका सर्पन्च लगायत अन्यको उपस्थिति रहेको थियो ।

प्रकाशित मिति: शनिबार, साउन २१, २०७९ २१:२५

प्रतिक्रिया दिनुहोस्