एकै परिवारका तीन जना झुन्डिएको अवस्थामा फेला परे

समाचार

गृहपृष्ठ
समाचार
एकै परिवारका तीन जना झुन्डिएको अवस्थामा फेला परे

एकै परिवारका तीन जना झुन्डिएको अवस्थामा फेला परे

बुधबार, साउन २५, २०७९ बागेश्वरी पोस्ट

नेपालगन्ज । एकै परिवारका तीन जना मृत अवस्थामा फेला परेका छन् ।

बझाङमा एकै परिवारका तीन जना मृत अवस्थामा भेटिएका हुन् । बुङ्गल नगरपालिका ९ रारुमा स्थानीय पुष्कर पार्कीकी श्रीमती र दुई जना मृत फेला परेको जिल्ला प्रहरी कार्यालय बझाङले जनाएको छ ।

मृत भेटिनेमा पार्कीकी श्रीमती २२ वर्षीया गीता पार्की, पाँच वर्षीया छोरी भूमिका र तीन वर्षीय छोरा मोहित रहेको बझाङका निमित्त प्रमुख, प्रहरी निरीक्षक रमेश अवस्थीले जानकारी दिएका छन् ।

उनीहरु घर नजिकै रुखमा झुन्डिएको अवस्थामा मृत फेला परेको जिल्ला प्रहरीले जनाएको छ । प्रहरीले घटनास्थल शिल गरेको छ भने गएराति मात्र भारतबाट फर्किएका पुष्करलाई नियन्त्रणमा लिएर अनुसन्धान सुरु गरेको छ ।

प्रकाशित मिति: बुधबार, साउन २५, २०७९ १५:०१

प्रतिक्रिया दिनुहोस्