आफ्नै सासू कुट्ने दुई जना बुहारी पक्राउ

सुरक्षा-अपराध

गृहपृष्ठ
सुरक्षा-अपराध
आफ्नै सासू कुट्ने दुई जना बुहारी पक्राउ

आफ्नै सासू कुट्ने दुई जना बुहारी पक्राउ

बिहीबार, भदौ ९, २०७९ बागेश्वरी पोस्ट

नेपालगन्ज । आफ्नै सासूलाई कुट्ने दुई जना बुहारीलाई प्रहरीले पक्राउ गरेको छ ।

अछाम पञ्चदेवल विनायक नगरपालिका ६ की ५० वर्षीया सन्तुलन गुमाएकी सासू जैसरा न्यौपानेलाई कुटपिट गरेको आरोपमा उनीहरुलाई पक्राउ गरिएको हो । प्रहरीले कुटपिट गर्ने बुहारीको नाम सार्वजनिक गरेको छैन ।

सासूमाथि अभद्र व्यवहार गर्दै कुटपिट गरेको श्रव्यदृश्य (भिडियो) सामाजिक सञ्जालमा सार्वजनिक भएपछि घटनाको अनुसन्धान गर्न न्यौपानेका दुई बुहारीलाई पक्राउ गरिएको प्रहरी निरीक्षक कैलाश विष्टले जानकारी दिए ।

सार्वजनिक भएको भिडियोमा उनीहरुले न्यौपानेलाई यातना दिँदै लछारपछार गरेको देखिन्छ । स्थानीयवासीका अनुसार मानसिक सन्तुलन गुमाएकी न्यौपाने बोल्न सक्दिनन् । उनका श्रीमान समेत शारिरिक अपाङ्गता भएका व्यक्ति हुन् । पक्राउ परेका दुबै जनासँँग थप अनुसन्धान भइरहेको प्रहरीले जनाएको छ ।

प्रकाशित मिति: बिहीबार, भदौ ९, २०७९ १३:२३

प्रतिक्रिया दिनुहोस्