नेपालगञ्जमा डेंगु देखिएपछि लामखुट्टे नष्ट गर्ने अभियान सुरु

स्वास्थ्य

गृहपृष्ठ
स्वास्थ्य
नेपालगञ्जमा डेंगु देखिएपछि लामखुट्टे नष्ट गर्ने अभियान सुरु

नेपालगञ्जमा डेंगु देखिएपछि लामखुट्टे नष्ट गर्ने अभियान सुरु

सोमबार, भदौ २०, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकाभित्र स्थानीय ब्यक्तिमा पनि डेंगु रोगको संक्रमण देखिएपछि लामखुट्टे नष्ट गर्ने अभियान सुरु भएको छ ।

नेपालगञ्जको बसपार्क क्षेत्रमा बसोबास गर्ने एक जनामा डेंगु देखिएको थियो । स्थानीयमा डेंगु देखिएपछि अन्य ब्यक्तिमा सर्न नदिनका लागि डेंगु सार्ने लामखुट्टे नष्ट पार्ने अभियान सुरु गरिएको हो ।

स्वास्थ्यकर्मी, महिला स्वास्थ्य स्वयंसेविका, स्थानीयबासीको उपस्थितिमा आज बसपार्क क्षेत्रमा लामखुट्टे नष्ट पार्ने तथा जनचेतनामूलक कार्यक्रम सञ्चालन गरिएको नेपालगञ्ज उपमहानगरपालिका स्वास्थ्य शाखाका हेल्थ असिस्टेन्ट तेज वलीले जानकारी दिए ।

वडा नम्बर–४ का वडा अध्यक्ष गोपाल पुनले डेंगुबाट नगरबासीलाई जोगाउन लामखुट्टे नष्ट पार्ने तथा जनचेतनामूलक कार्यक्रम सुरु गरिएको बताए ।

प्रकाशित मिति: सोमबार, भदौ २०, २०७९ १०:५८

प्रतिक्रिया दिनुहोस्