भेरी अस्पतालका अध्यक्ष जसगढले सम्हाले कार्यभार

स्वास्थ्य

गृहपृष्ठ
स्वास्थ्य
भेरी अस्पतालका अध्यक्ष जसगढले सम्हाले कार्यभार

भेरी अस्पतालका अध्यक्ष जसगढले सम्हाले कार्यभार

शुक्रबार, असोज ७, २०७९ बागेश्वरी पोस्ट

नेपालगन्ज । भेरी अस्पताल विकास समितिका नवनियुक्त अध्यक्ष सकिल अहमद जसगढले कार्यभार सम्हालेका छन् ।

अस्पतालले आयाेजना गरेको स्वागत तथा पदभार ग्रहण कार्यक्रमलाई सम्वाेधन गर्दै अध्यक्ष जसगढले आफू केही लिन भन्दा पनि अस्पताल विकास समितिकाे अध्यक्ष पदमा रहेर गरिव, दु:खी विरामीलाई सरल र सुलभरुपमा गुणस्तरीय सेवा कसरी दिन सकिन्छ भनेर लाग्ने बताए । उनले आफ्नो एक मात्रै उद्देश्य भेरी अस्पताललाई लुम्बिनी, कर्णाली र सुदूरपश्चिमकाे नमुना अस्पतालकाे रुपमा विकास गर्ने रहेको बताए । आफू यस क्षेत्रमा नयाँ रहेकाले सबैकाे राय, सल्लाह, सुझाव लिएर नै अगाडि वढ्ने जसगढले बताए ।

त्यस अवसरमा उनले आफ्नो बावुकाे सम्झनामा अस्पताल परिसरमा संचालनमा रहेको सुलभरुपमा विरामी र तिनका कुरुवाहरुलाई खाना खुवाउने अन्जली माता रसोईको एक दिनकाे सम्पूर्ण खर्च रु. २५००१ दिएका थिए ।

कार्यक्रममा अस्पतालका मेडिकल सुपरिटेण्डेण्ट डा. बद्री चापागाईले अस्पतालकाे बारेमा बताउँदै अस्पतालकाे अवलोकन समेत गराएका थिए । त्यस अवसरमा नेकपा एकीकृत समाजवादीका केन्द्रीय सदस्य अशाेक काेइरालाले अस्पताललाई आवश्यक पर्ने उपकरण, जनशक्ति उपलब्ध गराउन स्थानीय तहदेखि केन्द्रसम्म पहल गर्ने बताए ।

प्रकाशित मिति: शुक्रबार, असोज ७, २०७९ १६:१०

प्रतिक्रिया दिनुहोस्