नेपालगञ्ज उपमहानगरपालिकाद्वारा रक्तदान

स्वास्थ्य

गृहपृष्ठ
स्वास्थ्य
नेपालगञ्ज उपमहानगरपालिकाद्वारा रक्तदान

नेपालगञ्ज उपमहानगरपालिकाद्वारा रक्तदान

बिहीबार, असोज १३, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले आज रक्तदान कार्यक्रम गरेको छ । रक्तसंचार केन्द्रसँगको सहकार्यमा नेपालगञ्ज उपमहानगरपालिका कार्यालय परिसरमै रक्तदान कार्यक्रम गरिएको नगरपालिकाका स्वास्थ्य महाशाखाका जन स्वास्थ्य निरीक्षक जागेश्वर बस्नेतले बताए ।

उनका अनुसार उक्त रक्तदानमा नगरपालिकाका आलेप अधिकृत खिमानन्द अर्याल, हेल्थ असिस्टेन्टद्वय तेज वली, राजन शाही, प्रशासन शाखामा कार्यरत सन्तोषी विष्ट, राजश्व शाखाकी सुनिता तिवारी, स्वास्थ्यकर्मीहरु पुष्पा केसी, प्रकाश श्रेष्ठ लगायत ३६ जनाले रक्तदान गरेका छन् । चाडपर्वको समयमा हुन सक्ने रगत अभावलाई केही हदसम्म पूर्ति गर्न रक्तदान कार्यक्रम गरिएको पनि बस्नेतले बताउनुभयो ।

चाडपर्वको बेलामा सवारी दुर्घटना बढी हुने र त्यो समयमा रक्तदाता समेत भेट्न मुश्किल पर्ने भएकाले दशैं पर्वलाई लक्षित गरेर रक्तदान कार्यक्रम गरिएको पनि बस्नेतको भनाई छ । रक्तदान कार्यक्रममा नेपालगञ्ज उपमहानगरपालिकाका प्रमुख प्रशासकीय अधिकृत शिवप्रसाद रिजाज, वडा नम्वर १२ का वडाअध्यक्ष तरुण ब्रजाचार्य, रक्तसंचार केन्द्रका प्रमुख उपेन्द्र रेग्मी, स्वास्थ्य कार्यालय बाँकेका जनस्वास्थ्य अधिकृत नरेश श्रेष्ठ लगायतको पनि उपस्थिति रहेको थियो ।

प्रकाशित मिति: बिहीबार, असोज १३, २०७९ १५:५०