गण्डकी प्रदेश सभा सदस्यमा 'दीपक मनाङे' निर्विरोध

आम निर्वाचन-२०७९

गृहपृष्ठ
आम निर्वाचन-२०७९
गण्डकी प्रदेश सभा सदस्यमा 'दीपक मनाङे' निर्विरोध

गण्डकी प्रदेश सभा सदस्यमा 'दीपक मनाङे' निर्विरोध

बुधबार, असोज २६, २०७९ बागेश्वरी पोस्ट

नेपालगन्ज । गण्डकी प्रदेशसभा सदस्यमा राजीव गुरुङ उर्फ "दीपक मनाङे" निर्विरोध निर्वाचित हुने भएका छन् ।

मनाङ निर्वाचन क्षेत्र नम्बर ‘ख’ बाट प्रदेशसभातर्फ स्वतन्त्र रूपमा उम्मेदवारी दिएका दोर्जे लामा गुरुङले आफ्नो उमेदवारी फिर्ताका लागि निवेदन दिएपछि मनाङे निर्विरोध हुने भएका हुन् ।

उम्मेदवारी फिर्ता लिन निर्वाचन आयोगले बुधबार दिउँसो ३ बजेसम्मको समय तोकेको छ । त्यसैले मनाङे निर्विरोध भएको आयोगले ३ बजेपछि मात्र सार्वजनिक गर्ने भएको छ ।

मनाङे गण्डकीका युवा तथा खेलकुदमन्त्री समेत हुन् । अघिल्लो पटक पनि उनी स्वतन्त्र रूपमा विजयी भएका थिए । त्यसबेला उनलाई एमालेले समर्थन गरेको थियो ।

तर पछि मनाङेकै कारण एमाले नेतृत्वको गण्डकी प्रदेश सरकार ढल्न पुग्यो । उनी सत्तारुढ गठबन्धनमा सामेल भए । यसपटक मनाङेलाई कांग्रेस र एमाले दुवै दलले समर्थन गरेर आफ्नो उम्मेदवार नउठाएकैले उनी निर्विरोध हुन लागेका हुन् ।

दोर्जे लामा गुरुङले निर्वाचन कार्यालयमा बुधबार बिहान १० बजे आफ्नो उम्मेदवारी फिर्ताका लागि निवेदन दिएको निर्वाचन अधिकृतको कार्यालय मनाङले जनाएको छ ।

प्रकाशित मिति: बुधबार, असोज २६, २०७९ १२:२८