रौनियार प्यानललाई ब्यबसायीहरुको आशिर्वाद

राजनीति

गृहपृष्ठ
राजनीति
रौनियार प्यानललाई ब्यबसायीहरुको आशिर्वाद

रौनियार प्यानललाई ब्यबसायीहरुको आशिर्वाद

शनिबार, पुस २६, २०७६ सौरभ गिरी

undefined

नेपालगञ्ज। नेपालगञ्ज उद्योग बाणिज्य संघको माघ ११ गते हुने निर्वाचनका लागि उम्मेदवारी दर्ता सँगै ललित कुमार रौनियार नेतृत्वको साझा प्रजातान्त्रिक उदोगी व्यावसायी समूहलाई उद्योगी व्यवसायीहरुको साथ र,सहयोग र आशिर्वाद बढ्दै गएको छ।

उम्मेदवारी दर्तामा सयौंको उपस्थितिले रौनियार प्यानललाई समग्र व्यवसायीको साथ रहेको पुष्ट्याइ भएको नेता,ब्याबसायी एबम नेपालगन्ज उपमहानगरपालिका वडा नम्बर ४ का अध्यक्ष मो.सफिक बेहनाले बताउनुभयो । ललित कुमार रौनियार नेतृत्वको प्यानल नेपालगन्ज उद्योग बाणिज्य संघलाई नेतृत्व दिन सक्ने कामियाव भएकोले समग्र उद्योगी व्यावसायीको रोजाई साझा प्रजातान्त्रिक उद्योगी व्यावसायी समूह बनेको बेहनाको भनाइ छ ।

उम्मेदवारी मनोनयनका क्रममा देखिएको उद्योगी व्यावसायीको उत्साहले संघले परिपक्व नेतृत्व चाहेको स्पष्ट संकेत दिएको अर्का नेता एबम सांसद याकुव अन्सारीले बताउनुभयो । उहाँका अनुसार, संघमा अनुभवी नेतृत्व जरुरी छ । त्यसका लागि ललित कुमार रौनियार बाहेक अर्को विकल्प नभएको उहाँको भनाइ छ ।

समूहकोे तर्फबाट उद्योग उपाध्यक्षमा तपेन्द्र विक्रम शाह र बाणिज्य उपाध्यक्षमा अमित बस्नेतको उम्मेदवारी दर्ता भएको छ । यस्तै सदस्य पदमा अजय कुमार टण्डन, सुुनिल सिंघल, बिन्दु चर्तीमगर, टेकबहादुर खड्का, बदरुदिन अन्सारी, बिष्णु प्रसाद श्रेष्ठ, टंक प्रसाद शर्मा, मख्खन बहादुर धामी, सन्तोष कुमार बैश्य, तेजनारायण कँडेल, दिपेन्द्र राज श्रेष्ठ र सुरेन्द्र सिंह सरदारको मनोनयन दर्ता भएको निर्वाचन प्रचार प्रसार सहसंयोजक बीरेन्द्र कुमार रावतले जानकारी दिनुभयो ।