मुर्ति विर्सजनमा गएर तिर्खाएका भक्तजनलाई गौरव स्मृति फाउण्डेशनले गर्यो पानीको व्यवस्था

स्थानीय

गृहपृष्ठ
स्थानीय
मुर्ति विर्सजनमा गएर तिर्खाएका भक्तजनलाई गौरव स्मृति फाउण्डेशनले गर्यो पानीको व्यवस्था

मुर्ति विर्सजनमा गएर तिर्खाएका भक्तजनलाई गौरव स्मृति फाउण्डेशनले गर्यो पानीको व्यवस्था

बुधबार, कात्तिक ८, २०८० बागेश्वरी पोस्ट

नेपालगन्ज । दुर्गा पूजाको मुर्ति विर्सजन गर्न जाने भक्तजनलाई नेपालगन्जस्थित गौरव स्मृति तथा वी योर फाउण्डेशन निःशुल्क पिउने पानी( मिनरल वाटर) वितरण गरेको छ।

फाउण्डेशनले मुर्ति विर्सजन गर्न जाने तत्जा मेला हेर्न आएका श्रद्धालुहरुलाई फत्तेबाल आँखा अस्पताल अगाडी निःशुल्क पानीको व्यवस्था गरेको हो ।

सामाजिक मानवियतासंगै भक्तजनहरुलाई खानेपानीको सहजताका लागि आज विहानदेखि स्वच्छ पिउने जल वितरण गरिएको फाउण्डेशनका संस्थापक उपाध्यक्ष करन शाहुले बताए ।

उनका अनुसार यस फउण्डेशनका सम्पुर्ण पदाधिकारी तथा स्वयम्सेवकहरु पानी वितरणको कार्यमा खटिएका छन । छोराको स्मृतिमा स्थापना भएको फाउण्डेशले सामाजिक सेवा तथा मानवियतासंग जोडिएका विषय तथा क्षेत्रमा सहयोगी रुपमा सेवा गर्दै आएको फाउण्डेशनका संरक्षक प्रदिप शाहले बताए । उनका अनुसार यो फाउण्डेसनद्धारा गरिब असाहय, तथा जोखिममा परेकाहरुलाई सहयोग लगायतका सामाजिक काम गरिने योजना रहेको छ ।

विगतको वर्ष जस्तै यस वर्ष पनि निःशुल्क पानी वितरण गर्न लागिएको फाउण्डेशनले जनाएको छ । विजयादशमीको घटस्थापनादेखि स्थापना गरिएको दुर्गा भवानीको मर्ति दशैको भोली पल्ट अर्थात आज बुधवार विर्सजन गर्न जाने भक्तजन नागरिकहरुलाई निःशुल्क स्वच्छ खानेपानी वितरण भईरहेको छ ।

नेपालगन्ज नगरका सम्पुर्ण मुर्तिहरुलाई राप्ती नदीको सिधनिया घाटमा लगेर सेलाइने गरिन्छ। ट्रक, ट्राली लगायत विभिन्न सवारी साधनमा मुर्तिलाई राखेर लावालस्करका साथ, बाजागाजा, बैण्ड बाजा बजाएर नाँचगान गर्दै (जय माता दी)को नारा लगाउदै मुर्ति सेलाइने गरिन्छ ।

आज नेपालगन्ज नगर तथा राप्ती नदी आसपास विभिन्न स्थानमा भक्तजनहरुका लागि निशुःल्क स्वच्छ पानी वितरण भईरहेको छ ।

प्रकाशित मिति: बुधबार, कात्तिक ८, २०८० १८:३७