बाँकेको बैजनाथ गाउँपालिका दोस्रो बालविवाह मुक्त पालिका घोषणा

स्थानीय

गृहपृष्ठ
स्थानीय
बाँकेको बैजनाथ गाउँपालिका दोस्रो बालविवाह मुक्त पालिका घोषणा

बाँकेको बैजनाथ गाउँपालिका दोस्रो बालविवाह मुक्त पालिका घोषणा

मंगलबार, मंसिर ७, २०७८ बागेश्वरी पोस्ट

नेपालगञ्ज । बाँकेको बैजनाथ गाउँपालिका बालविवाह मुक्त घोषणा भएको छ । बैजनाथ बाँकेको दोस्रो बालविवाह मुक्त पालिका बनेको छ । यसअघि जानकी गाउँपालिका बालविवाह मुक्त घोषणा भइसकेको छ ।

बैजनाथ गाउँपालिका वडा नम्बर ६ रामपुरमा आज आयोजित एक कार्यक्रमका बीच गाउँपालिकाका अध्यक्ष मानबहादुर रुचाल ठकुरीले बैजनाथलाई बालविवाह मुक्त पालिका घोषणा गरेका हुन् । जिल्ला समन्वय समिति बाँकेका प्रमुख अजयकुमार श्रीवास्तवको उपस्थितिमा रुचालले बैजनाथलाई बालविवाह मुक्त घोषणा गरेका हुन् ।

बालविवाह मुक्त घोषणा कार्यक्रमलाई सघाउने विभिन्न व्यक्ति, सरकारी र गैरसरकारी संघसंस्थाका १५ जनालाई त्यस अवसरमा सम्मान गरिएको थियो । प्लान इन्टरनेशनल नेपालको सहयोगमा स्याक नेपाल बाँकेले जिल्लामा बालविवाह रोकथाम परियोजना सञ्चालन गरेर बालविवाह मुक्त अभियानलाई अगाडि बढाइरहेको परियोजना प्रमुख जगदिश थापाले बताए ।

प्रकाशित मिति: मंगलबार, मंसिर ७, २०७८ २०:४४

प्रतिक्रिया दिनुहोस्