नरैनापुरको कोहलामा तीज नृत्य प्रतियोगिता

संस्कृति-साहित्य

गृहपृष्ठ
संस्कृति-साहित्य
नरैनापुरको कोहलामा तीज नृत्य प्रतियोगिता

नरैनापुरको कोहलामा तीज नृत्य प्रतियोगिता

शुक्रबार, भदौ २५, २०७८ बागेश्वरी पोस्ट

नरैनापुर(बाँके) । तीजको अवसरमा नरैनापुरमा नृत्य प्रतियोगिता गरिएको छ ।

नरैनापुर गाउँपालिकाको सहयोगमा मुक्तिनाथ महिला समूहले नरैनापुर गाउँपालिका ६ कोहलामा आयोजना गरेको प्रतियोगितामा एकल नृत्यतर्फ करिना भण्डारी प्रथम, शिक्षा शिरिष मगर द्वितीय, निशा भट्टराई तृतीय र निरन्जना गिरी सान्त्वना भएका छन् । उनीहरुले क्रमश: रु.२०००, १५००, १००० र ५०० नगद पुरुस्कार प्राप्त गरे ।

सामुहिक नृत्यतर्फ जय किसान माविको सृजनशील किशोरी क्लबले प्रथम स्थान हात पारी नगद रु. ४००० जित्न सफल भएको विद्यालयका शिक्षक अरुण कुमार यादवले बताए । उक्त नृत्यमा दुर्गा चौधरी, टीका रोकाय, करुणा विक र रिता पुनले नृत्य प्रस्तुत गरेका थिए ।

विजयी प्रतियोगीहरुलाई प्रमुख अतिथि नरैनापुर गाउँपालिकाका कार्यवहाक अध्यक्ष मसुद अहमद शाह, वडा नम्बर ६ का वडाध्यक्ष विरेन्द्रपाल सिंह, जय किसान माविका विद्यालय व्यवस्थापन समितिका अध्यक्ष वृजेन्द्र कुमार यादव लगायतले पुरस्कर वितरण गरेका थिए ।

प्रकाशित मिति: शुक्रबार, भदौ २५, २०७८, ०९:०५:००