नक्कली शरणार्थी प्रकरणको मुद्दा भोलि अदालतमा दर्ता हुँदै

सुरक्षा-अपराध

गृहपृष्ठ
सुरक्षा-अपराध
नक्कली शरणार्थी प्रकरणको मुद्दा भोलि अदालतमा दर्ता हुँदै

नक्कली शरणार्थी प्रकरणको मुद्दा भोलि अदालतमा दर्ता हुँदै

मंगलबार, जेठ ९, २०८० बागेश्वरी पोस्ट

नेपालगन्ज । जिल्ला प्रहरी परिसर काठमाडौंले नक्कली भुटानी शरणार्थी प्रकरणको अनुसन्धान प्रतिवेदन सरकारी वकिल कार्यालय काठमाडौंमा बुझाइसकेको छ ।

जिल्ला सरकारी वकिल कार्यालय काठमाडौंले अभियोजनको काम नसकिएको भन्दै भोलि मात्रै काठमाडौं जिल्ला अदालतमा मुद्दा गर्ने भएको छ ।

सरकारी वकिल कार्यालयका अनुसार सोमबार अभियोजनको काम नसकिएकाले आज उक्त काम सकिने भएको हुँदा भोलि मात्रै जिल्ला अदालतमा मुद्दा गरिने भएको हो ।

चैत १२ गतेदेखि सुरू भएको अनुसन्धान सोमबार मात्रै टुंगिएको हो । प्रहरीले ठगी तथा संगठित अपराध कसूरमा अनुसन्धान अघि बढाएको यस प्रकरणमा ६० दिनमा मुद्दा दर्ता गर्नुपर्ने बाध्यता छ ।

यस्तै हिरासतमा रहेका १६ जनालाई पनि एक दिनको म्याद थप गराउनुपर्ने भएको उनले बताए । उनीहरूलाई आजै म्याद थपका लागि काठमाडौं जिल्ला अदालतमा पेश गर्ने पनि तयारी छ ।

प्रहरीले प्रतिवेदनमा ठगी, संगठित अपराध र राज्यविरूद्धको कसूरमा मुद्दा लग्न प्रस्ताव गरेको हो । यसमा प्रहरीले १२ जनाभन्दा बढीलाई फरार प्रतिवादीको रूपमा पेश गरेको छ ।

यस प्रकरणमा पूर्व गृहमन्त्री रामबहादुर थापाका छोरा र उनका सुरक्षा सल्लाहकार ईन्द्रजित राईका छोरासहित अन्य फरार छन् ।

प्रकाशित मिति: मंगलबार, जेठ ९, २०८० ११:४४