अपराध गर्ने कसैलाई पनि छुट हुँदैन: गृहमन्त्री

सुरक्षा-अपराध

गृहपृष्ठ
सुरक्षा-अपराध
अपराध गर्ने कसैलाई पनि छुट हुँदैन: गृहमन्त्री

अपराध गर्ने कसैलाई पनि छुट हुँदैन: गृहमन्त्री

शुक्रबार, माघ १९, २०८० बागेश्वरी पोस्ट

फाइल फोटो

पोखरा । अपराध गर्ने छुट कसैलाई पनि नभएको उपप्रधान तथा गृहमन्त्री नारायणकाजी श्रेष्ठले बताएका छन् । आज गण्डकी प्रदेशस्तरीय सुरक्षा गोष्ठीलाई सम्बोधन गर्ने क्रममा उनले सो कुरा बताउँदै जो सुकै भएपनि अपराध गर्दा कारबाही गर्न थाल्यो भने दबाब आउन सुरु हुने गृहमन्त्री श्रेष्ठले बताए ।

सोही क्रममा गृहमन्त्री श्रेष्ठले बाँसबारी छालाजुत्ता उद्योगको सरकारी जग्गा हडपेको आरोपमा व्यवसायी अरुण चौधरी पक्राउ परेपछि नेपाल उद्योग परिसंघले विरोध गरेको बताए ।

श्रेष्ठले अपराध, ठगी र लुटमा लागेका कसैलाई पनि छुट नदिने बताएका हुन् । उनले आफ्ना कर्तव्य निर्वाह गर्दा माथिल्लो हस्तक्षेप नसहन सुरक्षा निकायलाई अपिल गरेका छन् ।

उनले भने-'कुनै पक्राउ पर्नासाथ दबाब भइरहे देशले पनि छुट दिन सक्दैन । आफ्ना कर्तव्य निर्वाह गर्दा कुनै पनि हस्तक्षेप नसहन म सुरक्षा निकायलाई अपिल गर्छु’। अपराध, ठगी, जालसाजी र लुटमा पक्राउ परेपछि राज्यका उच्च निकायमा दबाब दिने, नेता तथा प्रभावशाली व्यक्तिलाई भनसुन गर्ने प्रवृत्ति देखा परेको छ । कर्मचारी पक्राउ पर्दा संगठनले दबाब दिने, व्यवसायी पक्राउ पर्दा निजी क्षेत्रले पत्रकार सम्मेलन गरी दबाब दिने प्रवृत्ति हाबी भएको छ । अपराधी कसैलाई पनि छुट नदिने गृहमन्त्री श्रेष्ठले भने ।

यसरी पक्राउ परेकालाई छोड्न दबाब र हस्तक्षेप भइरहने हो भने अपराधीको मनोबल अझै बढ्ने उनले बताए । कसैको दबाव नझेल्न गृहमन्त्री श्रेष्ठले सुरक्षा निकायलाई निर्देशन दिँदै दृढतापूर्वक उभिनुपर्ने बताए ।

प्रकाशित मिति: शुक्रबार, माघ १९, २०८० १५:२८

प्रतिक्रिया दिनुहोस्