घोराही नगर प्रहरी प्रमुख प्रहरी हिरासतमा

सुरक्षा-अपराध

Home
सुरक्षा-अपराध
घोराही नगर प्रहरी प्रमुख प्रहरी हिरासतमा

घोराही नगर प्रहरी प्रमुख प्रहरी हिरासतमा

शुक्रवार, मंसिर १९, २०७७ बागेश्वरी पोस्ट

दाङ । दाङको घोराही उपमहानगरपालिकाका नगर प्रहरी प्रमुख रूद्रप्रसाद पन्थीलाई प्रहरीले पक्राउ गरेका छ। मादक पदार्थ सेवन गरी पसलमा ढुंगा हानेपछि पन्थीलाई पक्राउ गरिएको जिल्ला प्रहरी दाङले जानकारी दिएको छ। प्रहरीले गए राति उनलाई पक्राउ गरेको हो।

प्रहरी कार्यालय दाङका अनुसार पन्थीले बिहीबार राती १० बजेतिर घोराही शहिद गेट नजिकैको शर्मा मोबाइल पसलमा ढुंगा हानेका हुन् । ढुंगा लागेर मोबाइल पसल सञ्चालकको टाउकोमा चोट लागेको छ। मोबाइल पसलमा चुरोट माग्न गपछी यहाँ चुरोट पाइँदैन भनेपछि पन्थीले ढुंगा टिपेर हानेको प्रहरीले जानकारी दिएको छ प्रहरीले घटनाबारे अनुसन्धान थालेको छ।

आवश्यक सोधपुछका लागि मोबाइल पसल सञ्चालकलाई पनि जिप्रका बोलाईएको छ। गल्ती गरेको पाइएमा कारवाही गरिने प्रहरीले जानकारी दिएको छ। पन्थी प्रहरी हिरासतमा छन्।

प्रकाशित मिति: शुक्रवार, मंसिर १९, २०७७, १०:१७:००