जयसपुर बिओपीद्वारा डेढ लाखको पटाका बरामद,अध्यक्षको रोहबरमा गाडियो

सुरक्षा-अपराध

गृहपृष्ठ
सुरक्षा-अपराध
जयसपुर बिओपीद्वारा डेढ लाखको पटाका बरामद,अध्यक्षको रोहबरमा गाडियो

जयसपुर बिओपीद्वारा डेढ लाखको पटाका बरामद,अध्यक्षको रोहबरमा गाडियो

शुक्रबार, पुस २४, २०७७ बागेश्वरी पोस्ट

नेपालगन्ज । सशस्त्र प्रहरीले बाँकेको जानकी गाउँपालिकाबाट लाखौं रुपैयाँको पटाका बरामद गरेको छ। सशस्त्र प्रहरीको नेपालगन्जस्थित जयसपुर बिओपीले भारतबाट ल्याइदै गरेको १ लाख ५० हजार मुल्य बराबरको अवैध पटाका बरामद गरेको हो।

जयसपुर बिओपीबाट सशस्त्र प्रहरी नायब निरीक्षक भोपेन्द्र रोकाको कमान्डमा रहेको १० जनाको टोलीले आज बिहान जानकी गाउँपालिका वडा नम्बर १ साईगाउँबाट नेपालगन्ज तर्फ ल्याउदै गरेको २ बोरा पटाका बरामद गरेको सशस्त्र प्रहरी बल नम्बर ३० गण बागेश्वरी बाँकेले जानकारी दिएको छ।

बरामद गरिएका पटाकालाई आज साँझ जानकी गाउँपालिका वडा नम्बर १ का अध्यक्ष मोहम्मद रज्जा राईको रोहबर तथा बिओपी प्रमुख सशस्त्र प्रहरी निरीक्षक नर बहादुर सुनुवार राई र सशस्त्र प्रहरी नायब निरीक्षक भोपेन्द्र रोकाको उपस्थितिमा बिओपी परिसरमै गाडिएको सशस्त्र प्रहरीले जानकारी दिएको छ।