सल्यानमा प्रहरी जवान पोशाकमै मृत अवस्थामा फेला परे

सुरक्षा-अपराध

गृहपृष्ठ
सुरक्षा-अपराध
सल्यानमा प्रहरी जवान पोशाकमै मृत अवस्थामा फेला परे

सल्यानमा प्रहरी जवान पोशाकमै मृत अवस्थामा फेला परे

मंगलबार, चैत १५, २०७८ बागेश्वरी पोस्ट

नेपालगन्ज । नेपाल प्रहरीका एक जना जवान पोशाक लगाएकै अवस्थामा मृत फेला परेका छन् ।

पश्चिम रुकुमको मुसिकोट १३ छिवाङ घर भई हाल प्रहरी कार्यालय श्रीनगरमा कार्यरत रहेका प्रहरी जवान पवन केसी मृत अवस्थामा फेला परेको जिल्ला प्रहरी कार्यालय सल्यानले जनाएको छ ।

मृतक जवान केसीको गएराति १० बजेदेखि २ बजेसम्म कार्यालयको मुख्य गेटमा ड्युटी रहेको प्रहरीले जानकारी दिएको छ । जवान केसीको कार्यालय नजिकैको भगवती खोला जाने नालामा आज विहान शव देखेपछि स्थानीय महिलाले प्रहरीलाई खबर गरेको जिल्ला प्रहरी कार्यालय सल्यानले जानकारी दिएको छ ।

मुख्य गेटमै ड्युटी बसेका जवानको कसरी मृत्यु भयो भन्ने बारे प्रहरीले थप अनुसन्धान थालेको जनाएको छ ।

प्रकाशित मिति: मंगलबार, चैत १५, २०७८ १४:३४

प्रतिक्रिया दिनुहोस्