बबई नदीमा बेपत्ता दुई किशोरीको शव भेटियो

समाचार

गृहपृष्ठ
समाचार
बबई नदीमा बेपत्ता दुई किशोरीको शव भेटियो

बबई नदीमा बेपत्ता दुई किशोरीको शव भेटियो

आइतबार, कात्तिक ६, २०७९ बागेश्वरी पोस्ट

नेपालगन्ज । दाङमा बबई नदीमा नुहाउने क्रममा डुबेर बेपत्ता भएका दुई किशोरीको शव फेला परेको छ । आज दिउँसो साढे ३ बजे प्रहरी र स्थानीय वासिन्दाको टोलीले शव फेला पारेका हुन् ।

शनिबार बबई नदीमा नुहाउन गएका दंगीशरण गाउँपालिका-२ का १४ वर्षीया रमा शाह र सल्यानको दमाचौरका १४ वर्षीया गोमा चन्दको शव करिब २७ घण्टापछि फेला पारेको इलाका प्रहरी कार्यालय तुलसीपुरका प्रमुख डीएसपी पुष्पराज मल्लले जानकारी दिए ।

तुलसीपुर उपमहानगरपालिका-११ को मोतीपुर नजिकै शनिबार दिउँसो १ बजेतिर बबई नदीमा नुहाउन गएका तीन जना मध्ये दुई जना वेपत्ता भएका थिए ।

प्रकाशित मिति: आइतबार, कात्तिक ६, २०७९ १७:२८

प्रतिक्रिया दिनुहोस्