दीपावलीमा बत्ती जोड्दा करेन्ट लागेर धनुषामा दुई र कैलालीमा एक जनाको मृत्यु

समाचार

गृहपृष्ठ
समाचार
दीपावलीमा बत्ती जोड्दा करेन्ट लागेर धनुषामा दुई र कैलालीमा एक जनाको मृत्यु

दीपावलीमा बत्ती जोड्दा करेन्ट लागेर धनुषामा दुई र कैलालीमा एक जनाको मृत्यु

मंगलबार, कात्तिक ८, २०७९ बागेश्वरी पोस्ट

नेपालगन्ज । दीपावलीका लागि बत्ती जोड्ने क्रममा करेन्ट लागेर धनुषामा दुई र कैलालीमा एक जनाको मृत्यु भएको छ ।

सोमबार साँझ लक्ष्मीपुजामा बत्ती जोड्ने क्रममा धनुषाको जनकपुरधाम उपमहानगरपालिका २२ बसबिट्टीका १९ वर्षीय अमित मिश्र र जनकपुरधाम उपमहानगरपालिका ९ निवासी १४ वर्षीय शिवराज यादवको मृत्यु भएको जिल्ला प्रहरी धनुषाले जनाएको छ ।

त्यस्तै लक्ष्मीपुजामा बत्ती जोड्ने क्रममै कैलालीको गौरीगंगा नगरपालिका वडानम्बर ५ को अण्डैया शिविर बस्ने ४० वर्षीय गणेश सिजाली मगरको मृत्यु भएको कैलाली प्रहरीले जनाएको छ ।

उनीहरु आफ्नै घरमा दीपावलीका लागि झिलिमिली बत्ती जोड्ने क्रममा करेन्ट लागेर घाइते थिए । गम्भीर घाइते भएका उनीहरुको उपचारका क्रममा मृत्यु भएको प्रहरीले जनाएको छ ।

प्रकाशित मिति: मंगलबार, कात्तिक ८, २०७९ १०:४२

प्रतिक्रिया दिनुहोस्