नेपालगञ्ज विपी चोक नजिकै आगलागी, दुई पसल जले

समाचार

गृहपृष्ठ
समाचार
नेपालगञ्ज विपी चोक नजिकै आगलागी, दुई पसल जले

नेपालगञ्ज विपी चोक नजिकै आगलागी, दुई पसल जले

बुधबार, कात्तिक ९, २०७९ बागेश्वरी पोस्ट

नेपालगञ्ज । नेपालगञ्जमा गएराती आगलागी भएको छ । विपी चोक नजिकै नेपालगञ्ज उपमहानगरपालिका वडा नम्बर ११ स्थित जनता ट्रेडर्स र समा फर्निचरमा आगलागी भएको जिल्ला प्रहरी कार्यालय बाँकेका प्रबक्ता प्रहरी नायब उपरीक्षक रामप्रसाद घर्तीले जानकारी दिए ।

घर्तीका अनुसार आगलागीबाट जनता ट्रेडर्सको गोदाममा रहेको सिरक डसना तथा समा फर्निचरको गोदामा रहेका फर्निचरमा क्षती पुगेको छ । जनता ट्रेडर्समा बढी क्षती भएको घर्तीले बताए । राती ९ बजेतिर शुरु भएको आगो मध्यराती करिब १२ बजे नियन्त्रणमा आएको घर्तीले बताए ।

जिल्ला प्रहरी कार्यालय, नेपालगञ्ज उपमहानगरपालिका र कोहलपुर नगरपालिकाको दमकल, प्रहरी र स्थानीयबासीको सहयोगमा करिब तीन घण्टापछि आगो नियन्त्रणमा लिइएको हो । आगलागीको कारण र क्षतीको विवरण एकिन हुन नसकेको प्रबक्ता घर्तीले बताए ।

प्रकाशित मिति: बुधबार, कात्तिक ९, २०७९ ०७:१७

प्रतिक्रिया दिनुहोस्