रोल्पामा जीप दुर्घटना, तीन जनाको मृत्यु

समाचार

गृहपृष्ठ
समाचार
रोल्पामा जीप दुर्घटना, तीन जनाको मृत्यु

रोल्पामा जीप दुर्घटना, तीन जनाको मृत्यु

बुधबार, कात्तिक ९, २०७९ बागेश्वरी पोस्ट

नेपालगन्ज । रोल्पाको सुलिचौरमा आज भएको जीप दुर्घटना हुँदा ३ जनाको मृत्यु भएको छ ।

लिवाङ–भालुवाङ सडक खण्ड अन्तर्गत सुनिलस्मृति गाउँपालिका–४ सेवा केन्द्र भन्ने ठाउँबाट गजुलतर्फ जाँदै गरेको लु १ ज ३२३४ नम्बरको जीप सडकबट १०० मिटर तल खसेर दुर्घटना भएको हो ।

दुर्घटनामा दाङ घोराही उपमहानगरपालिका– ६ का ५८ वर्षका विष्णु रिजाल र ६० वर्षका नारायण रिजाल तथा रोल्पा नगरपालिका–३ की ५० वर्षकी फाम्सी केसीको मृत्यु भएको जिल्ला प्रहरी कार्यालय रोल्पाले जानकारी दिएको छ ।

दुर्घटनामा १० जना भन्दा धेरै घाइते भएका छन् । जस मध्ये ७ जनालाई थप उपचारका लागि बाँकेको कोहलपुर मेडिकल कलेज पठाइएको प्रहरीले जानकारी दिएको छ । ब्रेक फेल भएर जीप दुर्घटना भएको प्रहरीको अनुमान छ ।

प्रकाशित मिति: बुधबार, कात्तिक ९, २०७९ १८:४९

प्रतिक्रिया दिनुहोस्