दुई मोटरसाइकल एकआपसमा ठोक्किँदा तीन जनाको मृत्यु

समाचार

गृहपृष्ठ
समाचार
दुई मोटरसाइकल एकआपसमा ठोक्किँदा तीन जनाको मृत्यु

दुई मोटरसाइकल एकआपसमा ठोक्किँदा तीन जनाको मृत्यु

शनिबार, कात्तिक १२, २०७९ बागेश्वरी पोस्ट

नेपालगन्ज । दुई वटा मोटरसाइकल एकआपसमा ठोक्किँदा तीन जनाको मृत्यु भएको छ । को ४ प १४१० नम्बरको मोटरसाइकल र प्रदेश १-०२-०४१ प ४४११ नम्बरको मोटरसाइकल एकआपसमा ठोक्किएर तीन जनाको मृत्यु भएको हो ।

सुनसरीको इटहरी उपमहानगरपालिका–१० मा शुक्रबार साँझ मोटरसाइकल ठोक्किएर मोरङ बूढीगङ्गा १ का ३० वर्षीय ओजराज लुइँटेल, धरान १५ का ४० वर्षीय राजन राई र ३२ वर्षीय शम्भू राईको मृत्यु भएको जिल्ला प्रहरी कार्यालय सुनसरीले जनाएको छ ।

प्रहरीका अनुसार विराटनगरबाट इटहरीतर्फ आउँदै गरेको को ४ प १४१० नम्बरको मोटरसाइकल र इटहरीबाट विराटनगरतर्फ जाँदै गरेको प्रदेश १-०२-०४१ प ४४११ नम्बरको मोटरसाइकल एकआपसमा ठक्कर खाएर दुर्घटना हुँदा मोटरसाइकलमा सवार तीन जना गम्भीर घाईते भएका थिए । गम्भीर घाइते उनीहरुको उपचारका क्रममा बिराटनगरमा मृत्यु भएको प्रहरीले जानकारी दिएको छ ।

प्रकाशित मिति: शनिबार, कात्तिक १२, २०७९ ०९:५१

प्रतिक्रिया दिनुहोस्