कर्णाली प्रदेशका मुख्यमन्त्री शाहीले दिए रौनियार प्यानललाई विजयीको शुभकामना

राजनीति

गृहपृष्ठ
राजनीति
कर्णाली प्रदेशका मुख्यमन्त्री शाहीले दिए रौनियार प्यानललाई विजयीको शुभकामना

कर्णाली प्रदेशका मुख्यमन्त्री शाहीले दिए रौनियार प्यानललाई विजयीको शुभकामना

आइतबार, पुस २७, २०७६ बागेश्वरी पोस्ट

नेपालगन्ज ।कर्णाली प्रदेशका मुख्यमन्त्री महेन्द्र बहादुर शाहीले आसन्न नेपालगन्ज उद्योग बाणिज्य संघको निर्वाचनमा ललित कुमार रौनियार नेतृत्वको साझा प्रजातान्त्रिक उद्योगी व्यावसायी समूहलाई विजयीको शुभकामना दिएका छन् ।

आज आइतवार विहान साझा प्रजातान्त्रिक उद्योगी व्यावसायी समूहको निर्वाचन प्रचार कार्यालयमा उम्मेदवारहरुसँग साक्षात्कार गर्दै मुख्यमन्त्री शाहीले रौनियार प्यानललाई विजयीको शुभकामना दिएका हुन् । उनले समग्र व्यवसायीको हित र उन्नतीका लागि भूमिका निभाउन उम्मेदवारहरुलाई सुझाव दिए । नेपालगन्ज उद्योग बाणिज्य संघको संस्थागत विकास, व्यावसायिक सुरक्षा, हकहितका सवालमा काम गर्ने सक्षम नेतृत्व चुन्न यसक्षेत्रका मतदातालाई मुख्यमन्त्री शाहीको सुझाव छ।

उम्मेदवार साक्षात्कारमा अध्यक्षका उम्मेदवार रौनियारले उद्योग बाणिज्य संघको खस्कदो साख फर्काउन र व्यावसायिक मुद्दामा खरोरुपमा उत्रन आफ्नो टिम कटिबद्ध रहेको बताए । संघको निर्वाचन माघ ११ गते हुने हुँदैछ । उद्योग उपाध्यक्षमा तपेन्द्र विक्रम शाह र बाणिज्य उपाध्यक्षमा अमित बस्नेत चुनावी मैदानमा होम्मिएका छन्। यस्तै सदस्य पदमा अजय कुमार टण्डन, सुुनिल सिंघल, बिन्दु चर्तीमगर, टेकबहादुर खड्का, बदरुदिन अन्सारी, बिष्णु प्रसाद श्रेष्ठ, टंक प्रसाद शर्मा, मख्खन बहादुर धामी, सन्तोष कुमार बैश्य, तेजनारायण कँडेल, दिपेन्द्र राज श्रेष्ठ र सुरेन्द्र सिंह सरदार भिडन् लागेका छन् ।

‘आर्थिक समुन्नति सहितको व्यवसायिक स्वतन्त्रता, संस्थागत विकासको लागि हाम्रो प्रतिबद्धता’ भन्ने नाराका साथ रौनियार नेतृत्वको साझा प्रजातान्त्रिक उद्योगी व्यवसायी समूहले उम्मेदवारी दर्ता गरेसँगै घरदैलो अभियानलाई थप तीब्र पारेको छ । आइतवार विहानैदेखि न्यूरोडको भानुभक्त चोकबाट घरदैलो अभियान सुरु गरिएको प्रचार–प्रसार सचिवालयले जनाएको छ । घरदैलोमा पुग्दा मतदाता उत्साहित हुँदै विजयीको शुभकामना तथा शुभेच्छा दिने गरेका छन् ।

प्रकाशित मिति: आइतबार, पुस २७, २०७६ ११:५५