मनकामना जाँदै गरेको बस दुर्घटना हुँदा पाँच जनाको मृत्यु

समाचार

गृहपृष्ठ
समाचार
मनकामना जाँदै गरेको बस दुर्घटना हुँदा पाँच जनाको मृत्यु

मनकामना जाँदै गरेको बस दुर्घटना हुँदा पाँच जनाको मृत्यु

आइतबार, कात्तिक १३, २०७९ बागेश्वरी पोस्ट

नेपालगञ्ज । तीर्थालु बोकेर मनकामना दर्शन गर्न जाँदै गरेको बस दुर्घटना हुँदा पाँच जनाको मृत्यु भएको छ ।

पाल्पाको रामपुरबाट चितवन हुँदै गोरखाको मनकामनाका दर्शन गर्न हिँडेको ना.६ ख. ७५८० नम्बरको बस नवलपरासी पूर्वको बुलिङटार गाउँपालिका २ मथरभीरमा दुर्घटना हुँदा पाँच जनाको मृत्यु भएको छ भने ३० जना घाइते भएका छन् ।

पाँच जनाको घटनास्थलमा मृत्यु भएको कावासोतीका प्रहरी निरक्षक जयराम वन्तले बताए । दुर्घटनामा रम्भा गाउँपालिका १ हुँगीका ४१ वर्षीय तारा विक, १७ वर्षीय विनय विक, ६२ वर्षीय धनी विक, ५८ वर्षीय देवी गाहा, स्याङ्जाको गल्याङ नगरपालिका ९ की ४५ वर्षीय फुलमाया विक रहेको प्रहरीले जनाएको छ ।

प्रकाशित मिति: आइतबार, कात्तिक १३, २०७९ ०८:१२

प्रतिक्रिया दिनुहोस्