आज छठको समापन, मधेस प्रदेशमा सार्वजनिक विदा

समाचार

गृहपृष्ठ
समाचार
आज छठको समापन, मधेस प्रदेशमा सार्वजनिक विदा

आज छठको समापन, मधेस प्रदेशमा सार्वजनिक विदा

सोमबार, कात्तिक १४, २०७९ बागेश्वरी पोस्ट

नेपालगन्ज । छठका अवसरमा मधेस प्रदेश सरकारले आज सार्वजनिक बिदा दिएको छ ।

छठको अन्तिम दिन मधेस सरकारले सार्वजनिक बिदा दिएको हो । केन्द्रीय सरकारले छठको तेस्रो दिन अर्थात् अस्ताउँदै गरेको सूर्यलाई अर्घ्य दिने दिन मात्रै बिदा दिएपछि प्रदेश सरकारले छठको अन्तिम दिनमा प्रदेशभर बिदा दिने निर्णय गरेको छ ।

मुख्यमन्त्री लालबाबु राउतले छठ पर्वका अवसरमा शुभकामना व्यक्त गर्दै प्रदेशमा आज सार्वजनिक बिदा रहेको जानकारी दिए ।

छठमा हिजो अस्ताउँदो सूर्यलाई अर्घ्य दिइएको छ । बर्तालुहरूले जलाशयमा पुगेर अस्ताउँदो सूर्यको आराधना गरेका छन् ।

छठमा सूर्यदेवको उपासना गरिन्छ । निर्जल र निराहार व्रत बसेका बर्तालुहरूले अस्ताउँदो सूर्यलाई अर्घ्य दिएका हुन् ।

अर्घ्य दिँदै गर्दा बर्तालुहरूले सूर्यलाई आफ्नो मनोकाङ्क्षा सुनाउँछन् र पूरा गरिदिन आग्रह गर्छन् । यस दिनलार्ई ‘सौँझकारक’ पनि भनिन्छ ।

आज बिहान उदाउँदो सूर्यलाई अर्घ्य दिएपछि छठ पर्व सकिएको छ ।

प्रकाशित मिति: सोमबार, कात्तिक १४, २०७९ ०६:४७

प्रतिक्रिया दिनुहोस्