पाँच दलीय गठबन्धनको स्पष्ट बहुमत आउँछः प्रबक्ता डा. महत

राजनीति

गृहपृष्ठ
राजनीति
पाँच दलीय गठबन्धनको स्पष्ट बहुमत आउँछः प्रबक्ता डा. महत

पाँच दलीय गठबन्धनको स्पष्ट बहुमत आउँछः प्रबक्ता डा. महत

बुधबार, कात्तिक १६, २०७९ बागेश्वरी पोस्ट

नेपालगञ्ज । नेपाली कांग्रेसका प्रवक्ता डा. प्रकाशशरण महतले आगामी मंसिर ४ मा हुने निर्वाचनमा पाँच दलीय गठबन्धनको स्पष्ट बहुमत आउने दाबी गरेका छन् ।

नेपाल प्रेस युनियन कास्कीले आज पोखरामा आयोजना गरेको पत्रकार सम्मेलनमा महतले भने-"राजनीतिक दल मात्र होइन, नेपाली जनताले समेत कांग्रेस नेतृत्वकै सरकारको चाहना राखेका छन् । कांग्रेस सरकारमा भएकै समयमा विद्यालय, कलेज, सडक, विद्युत्, अस्पताल र एयरलायन्स व्यापक मात्रामा विस्तार भए, अब कांग्रेस गाउँका सडक बाह्रै महिना सञ्चालन गर्ने योजनाका साथ अगाडि बढ्छ ।"

अघिल्लो सरकारले फुस्रा आश्वासन मात्र दिएर काम केही नगरेको र कोभिडको समयमा समेत भ्याक्सिन छिटो ल्याउनुपर्नेमा कमिसनको चक्करमा लाग्दा जनताले समयमा भ्याक्सिन नपाएको नेता महतको आरोप थियो । पछिल्ला दिनमा अन्य पार्टी भन्दा कांग्रेस नै ठिक भनेर जनता कांग्रेसप्रति आकर्षित भएको उनको भनाई थियो । संविधानको रक्षा, मानव अधिकार, व्यक्ति स्वतन्त्रता र लोकतन्त्रको संरक्षण कांग्रेसले मात्र गर्न सक्ने उनको भनाई छ ।

देशैभरि पाँच दलीय गठबन्धनका उम्मेदवार उठेका र यो वा त्यो पार्टी नभनी ती उम्मेदवारलाई जिताउन सक्रिय रूपमा लाग्न कांग्रेसका नेता तथा कार्यकर्तालाई उनले आग्रह गरे । “सबै पार्टीलाई सिट बाँड्दा कांग्रेसले सबै सिटमा उम्मेदवार उठाउने कुरा आएन । कांग्रेसभित्र एक से एक नेता उम्मेदवार हुन लायक छन्, अहिले टिकट पाइन भनेर असन्तुष्ट बन्न भएनु, महतले भने, “म आफैँको प्रत्यक्ष निर्वाचन लड्ने चाहना हुँदाहुँदै लड्न पाइनँ ।"

प्रकाशित मिति: बुधबार, कात्तिक १६, २०७९ १३:२२