खुकुराको उधारो रकम उठाउन निस्केका ब्यापारी १६ दिनपछि मृत भेटिए

समाचार

गृहपृष्ठ
समाचार
खुकुराको उधारो रकम उठाउन निस्केका ब्यापारी १६ दिनपछि मृत भेटिए

खुकुराको उधारो रकम उठाउन निस्केका ब्यापारी १६ दिनपछि मृत भेटिए

आइतबार, पुस २७, २०७६ बागेश्वरी पोस्ट

सप्तरी ।घरबाट खुकुराको उधारो रकम उठाउन गरेका एक जना ब्यबसायी मृत फेला परेका छन् ।

सप्तरीको राजगढ गाउँपालिका ३ नर्घो पूर्वटोलस्थित सार्वजनिक पोखरीमा ४५ वर्षीय सुर्यनारायण मण्डलको शव फेला परेको हो । घरबाट १६ दिनअघि उधारो दिएको रकम उठाउन भनी हिँडेका मण्डलको शव आफ्नै कुखुरा फार्म नजिकको पोखरीमा फेला परेको हो ।

मण्डल घरदेखि साढे एक किलोमिटरको दूरीमा रहेको रत्नसागर पोखरीको डिलमा सञ्चालन गरेको कुखुरा फार्मको रेखदेख गर्दै बस्दै आएका थिए । मृतक मण्डलका श्रीमती एक छोरा र एक छोरीका साथ १५ वर्षदेखि माइत बस्दै आएकी छिन् । को–कसले मारेको हो वा भवितव्य मृत्यु भएको हो अनुसन्धान हुनुपर्ने भाइ शिवनारायणले बताए ।

मृतकको शवलाई पोस्टमार्टम परीक्षण राजविराजमा नगरी धरान पठाइएको र आज परीक्षण हुने प्रहरीले जनाएको छ । मृत्यु भएको मिति तथा डुबेर वा अन्य कारणले मृत्यु भएको यकिन गर्न नसकिएकाले अपराधमा प्रमाण लाग्न सक्ने कुनै कुरा खुल्न सक्छ कि भनेर परीक्षणका लागि धरानस्थित बिपी कोइराला स्वास्थ्य विज्ञान प्रतिष्ठान पठाइएको जिल्ला प्रहरी कार्यालय सप्तरीले जानकारी दिएको छ। पोस्टमार्टम पछि सबै कुरा पत्ता लाग्ने प्रहरीले जानकारी दिएको छ।

प्रकाशित मिति: आइतबार, पुस २७, २०७६ १३:४३

प्रतिक्रिया दिनुहोस्