निर्वाचनको मुखमा नेपालगञ्जमा बम विस्फोट, दुई जना घाइते

समाचार

गृहपृष्ठ
समाचार
निर्वाचनको मुखमा नेपालगञ्जमा बम विस्फोट, दुई जना घाइते

निर्वाचनको मुखमा नेपालगञ्जमा बम विस्फोट, दुई जना घाइते

बुधबार, कात्तिक ३०, २०७९ बागेश्वरी पोस्ट

बम विस्फोटमा घाइते भएका व्यक्ति

नेपालगञ्ज । नेपालगञ्जमा बम विस्फोट भएको छ । नेपालगञ्ज १० भृकुटीनगरस्थित जिल्ला स्वास्थ्य कार्यालय नजिकैको श्रीकला मल्लको घरमा प्रेसर कुकुर बम विस्फोट भएको बाँके प्रहरीले जनाएको छ । आज साँझ करिब सवा ८ बजेतिर बम बनाउने क्रममा विस्फोट भएको अनुमान प्रहरीले गरेको छ । उक्त घटनामा परी दुई जना घाइते भएका छन् । घाइतेहरुको उपचार भइरहेको छ ।

बम बनाउने क्रममा विस्फोट हुँदा दुई जना व्यक्ति घाइते भएको प्रहरीले जनाएको छ । अन्य दुई जनालाई प्रहरीले पक्राउ गरेको छ । विस्फोट हुँदा घरको सिलिंगमा क्षती समेत भएको छ । उनीहरु नेत्र विक्रम चन्द (विप्लब) समूहका कार्यकर्ता रहेको बुझिएको छ । महेन्द्र बहुमुखी क्याम्पस नेपालगञ्जमा अध्ययनरत सल्यानका एक जना विद्यार्थी उक्त घरमा एक बर्षदेखि बस्दै आएका थिए । उनकै कोठामा बम विस्फोट भएको हो । घटनामा सल्यानका डिल्ली बहादुर डिसी र कालिकोट घर भई हाल कैलाली बस्ने धर्मराज सुनार घाइते भएका छन् । उनीहरूको नेपालगन्ज मेडिकल कलेजमा उपचार भइरहेको छ ।

कोठामा अरु दुई वटा प्रेसर कुकर बम पनि भेटिएका थिए । नेपाली सेनाले ती दुई प्रेसर कुकर बम राती नै डिष्पोज गरेको थियो । कोठाबाट बाहिर निकालेर खुला चौरमा बम बिस्फोट गरेको हो । निर्वाचनको पूर्व सन्ध्यामा भएको यो घटनाले नेपालगञ्जमा त्रास बढाएको छ ।

प्रकाशित मिति: बुधबार, कात्तिक ३०, २०७९ २१:२५

प्रतिक्रिया दिनुहोस्