नेपालगञ्जस्थित वाटरपार्कबासीलाई अस्थायी लालपुर्जा वितरण

समाचार

गृहपृष्ठ
समाचार
नेपालगञ्जस्थित वाटरपार्कबासीलाई अस्थायी लालपुर्जा वितरण

नेपालगञ्जस्थित वाटरपार्कबासीलाई अस्थायी लालपुर्जा वितरण

आइतबार, पुस २७, २०७६ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले आइतबार अस्थायी लालपुर्जा वितरण गरेको छ। नेपालगञ्ज स्थित वडा नम्बर १ र १८ मा रहेको वाटरपार्क जग्गा एकीकरण परियोजना अन्तर्गतका जग्गाधनीलाई उपमहानगरपालिकाले एक कार्यक्रमका बिच अस्थायी लालपुर्जा वितरण गरेको हो ।

नेपालगञ्ज उपमहानगरपालिकाका प्रमुख तथा नगर विकास समितिका अध्यक्ष डा. धवलशम्शेर राणा, उपप्रमुख उमा थापा मगर र प्रमुख प्रशसकीय अधिकृत हरी प्याकुरेलले अस्थायी पुर्जा वितरणको सुभारम्भ गरेका हुन् । पहिलोचरणमा १८७ जनालाई आइतबार अस्थायी पुर्जा वितरण गरिएको छ ।

७४५ जना जग्गा धनी मध्ये सबैलाई तत्काल अस्थायी पुर्जा दिएर स्थायी पुर्जाका लागि प्रक्रिया सुरु गरिने भएको छ । नेपालगञ्ज उपमहानगरपालिका प्रमुख डा. राणाले वाटरपार्क परियोजनाको कामले गति लिएको बताए । आगामी दिनमा पनि जग्गाधनीबाट थप सहयोगको आवश्यकता रहेको राणाले बताए ।

उपप्रमुख उमा थापा मगरले परियोजनालाई अन्तिम रुप दिने चरणमा पुगिएको बताउँदै सबैको साथ र सहयोग चाहिएको बताइन । एक दशकपछि जग्गाको अस्थायी पुर्जा हात पारेका स्थानीय बासिन्दामा ढिलै भएपनि खुशी भएको बताएका छन् । उपभोक्ता सहयोग समितिका अध्यक्ष विन्दु सापकोटाले नगर विकास समितिमा जन निर्वाचितप्रतिनिधी आएपछि कामले गति लिएर अस्थायी पुर्जा वितरण सम्म पुगेको बताए ।

नेपालगञ्ज उपमहानगरपालिकाका प्रमुख प्रशासकीय अधिकृत हरी प्याकुरेलका अनुसार वाटरपार्क परियोजना अन्तर्गत ६५ विघा जग्गा रहेको छ । जग्गाको न्यूनतम मुल्यांकन समेत भईसकेको छ ।

प्रकाशित मिति: आइतबार, पुस २७, २०७६ १७:३९

प्रतिक्रिया दिनुहोस्