दिलीप महतो हत्या प्रकरण:ढल्केबरका इन्स्पेक्टर जिल्ला तानिए

समाचार

गृहपृष्ठ
समाचार
दिलीप महतो हत्या प्रकरण:ढल्केबरका इन्स्पेक्टर जिल्ला तानिए

दिलीप महतो हत्या प्रकरण:ढल्केबरका इन्स्पेक्टर जिल्ला तानिए

आइतबार, पुस २७, २०७६ बागेश्वरी पोस्ट

जनकपुर ।दिलीप हत्या प्रकरणमा ढल्केवरका प्रहरी निरीक्षक(इन्स्पेक्टर) रामकुमार यादव जिल्ला तानिएका छन्। धनुषाको मिथिला नगरपालिका वडा नं. ५ श्रीपुरमा दिलीपको हत्यापश्चात शवको मुचुल्का नगरी प्रादेशिक अस्पतालमा पठाएपछि प्रहरी निरीक्षक यादवलाई जिल्लामा तानिएको हो।

हत्यामा संलग्न रहेकासँग प्रहरी निरीक्षक यादवको मिलेमतो रहेको आरोप दिलीप परिवारजनले लगाउँदै आएको छ। परिवारजनसहित गाउँका स्थानीयले प्रहरीकै मिलोमतोमा दिलीपको हत्या गरिएको आरोप लगाउँदै शवको पोस्टमार्टम गर्नमा समेत रोक लगाएका थिए। स्थानीयको कडा विरोध पछि करिब ३९ घण्टापछि शवको पोस्टमार्टम भएको थियो।

यता जिल्ला प्रहरी कार्यालय धनुषाका प्रहरी उपरीक्षक रमेश कुमार बस्नेतले प्रहरी निरीक्षक यादवलाई कारवाही गरेर नभई जिल्लामा खाँचो रहेकोले मात्रै तानिएको बताए। अवैध उत्खननको विरोध गर्दै आएका दिलीपको शुक्रबार बिहान करिब ४ बजेको समयमा क्रसर उद्योग नजिकै औरही खोलाको बगरमा हत्या भएको थियो।

फलामको लिभरले दाहिने कोखामा घोचेर घाइते बनाएपछि दिलीपलाई टिपरले किचेर हत्या गरिएको थियो। घटनामा संलग्न रहेको आरोपमा धनुषा प्रहरीले चार जनालाई समातेर शनिबार राति सार्वजनिक समेत गरेको छ।

प्रहरीले प्रमुख योजनाकार क्रसर सञ्चालक विपीन कुमार महतोसहित टिपर चालक मुनिन्द्र महतो, अनटेस्ट लोडर चालक जितेन्द्र कुमार महतो र दिलीपका साथी रोशन कुमार यादवलाई पक्राउ गरेर सार्वजनिक गरी सकेको छ।सेतोपाटीबाट साभार।

प्रकाशित मिति: आइतबार, पुस २७, २०७६ २३:२५

प्रतिक्रिया दिनुहोस्