बाँकेको कुसुममा मोटरसाइकल एकआपसमा ठोक्किँदा एक जनाको मृत्यु

समाचार

गृहपृष्ठ
समाचार
बाँकेको कुसुममा मोटरसाइकल एकआपसमा ठोक्किँदा एक जनाको मृत्यु

बाँकेको कुसुममा मोटरसाइकल एकआपसमा ठोक्किँदा एक जनाको मृत्यु

आइतबार, मंसिर ११, २०७९ बागेश्वरी पोस्ट

नेपालगञ्ज । बाँकेको कुसुममा मोटरसाइकल एकआपसमा ठोक्किँदा एक जनाको मृत्यु भएको छ ।

पूर्व पश्चिम राजमार्ग अन्तर्गत राप्तीसोनारी गाउँपालिका १ चपरगौडीको उकालोमा बिपरीत दिशाबाट आइरहेका मोटरसाइकल एकआपसमा ठोक्किँदा सल्यान शारदा नगरपालिका २ बस्ने २७ वर्षका सुशिलसिंह थापाको घटनास्थलमै मृत्यु भएको प्रहरीले जनाएको छ । यस्तै मोटरसाइकलमा सवार सोही ठाउँ निवासी २० वर्षकी रिया श्रेष्ठ र अर्का मोटरसाइकल चालक ठाकुरबाबा नगरपालिका ३ बर्दिया बस्ने २५ वर्षका कृष्णप्रसाद पौडेल घाइते भएका छन् ।

मृतक थापाले चलाएको रा ७ प ५५५४ र घाइते पौडेलले चलाएको ग २१ प ३२४८ नम्बरको मोटरसाइकल आज बिहान ९ बजेतिर एकआपसमा ठोक्किएका थिए । घाइते दुबै जनाको मेडिकल कलेज कोहलपुरमा उपचार भइरहेको प्रहरीले जनाएको छ । तीब्र गतिका कारण मोटरसाइकल एकआपसमा ठोक्किएको हुन सक्ने प्रहरीले प्रारम्भिक अनुमान गरेको छ ।

प्रकाशित मिति: आइतबार, मंसिर ११, २०७९ ११:४२

प्रतिक्रिया दिनुहोस्