घुमुवा प्रहरीको नाममा पैसा असुली गर्ने दुईजना ठग पक्राउ

समाचार

गृहपृष्ठ
समाचार
घुमुवा प्रहरीको नाममा पैसा असुली गर्ने दुईजना ठग पक्राउ

घुमुवा प्रहरीको नाममा पैसा असुली गर्ने दुईजना ठग पक्राउ

सोमबार, पुस २८, २०७६ बागेश्वरी पोस्ट

बिराटनगर। सर्बसाधारणलाई आफुहरुलाई घुमुवा प्रहरी हौं भनेर रकम असुली गर्ने दुईजना ठगलाई प्रहरीले पक्राउ गरेको छ।

आफुहरुलाई प्रदेश नम्बर १ प्रहरी कार्यालय अन्तर्गत सिआइबीका घुमुवा हौ भन्दै झापामा रकम असुली गरिरहेको समयमा उनीहरुलाई ईलाका प्रहरी कार्यालय राजगढको टोलीले पक्राउ गरेको हो ।

प्रहरीका अनुसार पक्राउ पर्नेमा गौरीगञ्ज गाउँपालिका १ का २८ वर्षीय पर्शुराम महतो र वडानम्बर ३ का २० वर्षीय जीवन दास रहेका छन् । पक्राउ परेका दुबै जनाले बाह्रदर्शी गाउँपालिका ३ राजगढ बजारमा स्थानीय व्यापारीसँग रकम असुलेको प्रहरीले जानकारी दिएको छ।

प्रकाशित मिति: सोमबार, पुस २८, २०७६ १७:०७