नेविसंघ बाँके अध्यक्ष मनोनयन विवादमा; निवर्तमान अध्यक्षको आपत्ति

राजनीति

गृहपृष्ठ
राजनीति
नेविसंघ बाँके अध्यक्ष मनोनयन विवादमा; निवर्तमान अध्यक्षको आपत्ति

नेविसंघ बाँके अध्यक्ष मनोनयन विवादमा; निवर्तमान अध्यक्षको आपत्ति

बिहीबार, मंसिर २२, २०७९ बागेश्वरी पोस्ट

नेपालगन्ज । नेविसंघ बाँकेको अध्यक्ष मनोनयन विवादमा परेको छ । केन्द्रीय अध्यक्ष दुजाङ शेर्पाले नेपाली कांग्रेस जिल्ला कार्यसमितिको पत्र अनुसार उपेन्द्रवहादुर विष्टलाई अध्यक्ष मनोनयन गरेको भन्ने बक्तब्य जारी गरेपछि विवाद देखिएको हो ।

नेविसंघ बाँकेका निवर्तमान अध्यक्ष एवम् कोहलपुर नगरपालिकाका मेयर पूर्णप्रसाद आचार्यले अध्यक्ष शेर्पालाई गुटको हलीको संज्ञा दिएका छन् । उनले शेर्पाको फर्जी पत्र मान्नुपर्ने कुनै जरुरी नरहेको चेतावनी दिएका छन् । सामाजिक संजाल 'फेसबुक' मा एक स्टाटस लेख्दै उनले पार्टीको केन्द्रीय कार्यसमितिले दिएको निश्चित म्यान्डेट विर्सेर गुटको हली बनेको भन्दै कडा टिप्पणी गरेका छन् ।

उनले लेखेका छन्, "उपेन्द्र भाई क्षमता भएको युवा हो यसमा दुईमत छैन तर ३ महिने म्यादी किन बनाउन खोज्नु भएको दुजाङ्ग जी ? अर्को कुरा पार्टीको केन्द्रीय समितिले तपाईंलाई निश्चित म्यान्डेटसहित अध्यक्षको जिम्मेवारी दिएको हो कि गुटको हली बन्न ? ११औं जिल्ला अधिबेशनबाट म जिल्ला अध्यक्ष निर्वाचित भएको हुँ, तपाईंले संगठनको बारेमा यति ठूलो निर्णय गर्दा एकपटक संवाद गर्न जरुरी ठान्नु भएन भने हामीले तपाईंको फर्जी पत्र मान्नु पर्ने कहाँ लेखेको छ ? तपाईंसंग पार्टीको केन्द्रिय नेतृत्व होला हामीसंग जिल्ला नेतृत्व पनि छ यति बुझिदिनुहोला ।" आचार्यले ३२ वर्षे उमेर हद लागू भएपछि चक्रबहादुर रावतलाई गत वैशाख ७ गते कार्यवाहक अध्यक्षको जिम्मेवारी दिएका थिए ।

नेपाली कांग्रेस बाँकेका सभापति नारायणप्रसाद गौडेलले पनि जिल्ला कार्यसमितिसंग कुनै परामर्श नभएको र यस विषयमा नेविसंघलाई कुनै पत्र नपठाइएको प्रतिक्रिया दिएका छन् ।

प्रकाशित मिति: बिहीबार, मंसिर २२, २०७९ २१:१९

प्रतिक्रिया दिनुहोस्