लुम्बिनी प्रदेश सभा सदस्यहरुको देउखुरीमा सपथ गराउने तयारी

राजनीति

गृहपृष्ठ
राजनीति
लुम्बिनी प्रदेश सभा सदस्यहरुको देउखुरीमा सपथ गराउने तयारी

लुम्बिनी प्रदेश सभा सदस्यहरुको देउखुरीमा सपथ गराउने तयारी

शुक्रबार, मंसिर २३, २०७९ बागेश्वरी पोस्ट

नेपालगन्ज । लुम्बिनी प्रदेशसभा सदस्यहरुको शपथ गराउन देउखुरीमा तयारी थालिएको छ । गत सोमबार मध्य राति प्रदेश मुख्यमन्त्री र मुख्य सचिवको कार्यालय बुटवलबाट स्थायी राजधानी राप्ती उपत्यका देउखुरीमा सारिएको थियो ।

यही मंसिर ४ मा निर्वाचित भएका प्रदेशसभा सदस्यहरूको शपथ पनि यसै प्रदेशसभा भवनमै गराउने तयारी रहेको मुख्यमन्त्री कुलप्रसाद केसीले बताए ।

मुख्यमन्त्रीको कार्यालय सरेसँगै यहाँ सुरक्षाकर्मीको पनि बाक्लो उपस्थिति देखिएको छ । सवारी साधनको आवागमन बाक्लो भएको छ ।

दुई वर्ष दुई महिनाअघि प्रदेशसभाले यस क्षेत्रलाई प्रदेशको राजधानी तोकेको थियो । यसअघि यहाँ ३० वर्षदेखि प्राविधिक शिक्षालय अध्यापन भइरहेकोमा हाल शिक्षालयलाई करिब १४ किलोमिटर दक्षिण राप्ती पारी गढवा गाउँपालिकामा स्थानान्तरण गरिएको छ । शिक्षालय भवनमा मुख्यमन्त्री तथा मन्त्रिपरिषद्को कार्यालय व्यवस्थापनको काम भइरहेको प्रदेशका स्वास्थ्य मन्त्री इन्द्रजित थारुले बताए ।

उनका अनुसार प्रदेशका सबै मन्त्रालयलाई पुग्ने गरी पूर्वाधारको व्यवस्थापन भइरहेको छ । यसअघि दुई वटा मन्त्रालय पहिले नै स्थानान्तरण भइसकेका थिए भने बाँकी मन्त्रालयको काम बुटवलबाटै भइरहेको थियो ।

प्रकाशित मिति: शुक्रबार, मंसिर २३, २०७९ ०७:३३

प्रतिक्रिया दिनुहोस्