सरकारले ल्याएको अध्यादेश तत्काल फिर्ता लिन गगन थापाको माग

राजनीति

गृहपृष्ठ
राजनीति
सरकारले ल्याएको अध्यादेश तत्काल फिर्ता लिन गगन थापाको माग

सरकारले ल्याएको अध्यादेश तत्काल फिर्ता लिन गगन थापाको माग

सोमबार, मंसिर २६, २०७९ बागेश्वरी पोस्ट

फाइल फोटो

नेपालगन्ज । काठमाडौं क्षेत्र नम्बर ४ बाट निर्वाचित प्रतिनिधिसभा सदस्य एवम् नेपाली कांग्रेसका महामन्त्री गगन थापाले सरकारले ल्याएको अध्यादेश फिर्ता लिन माग गरेका छन् ।

महामन्त्री थापाले सामाजिक संजाल ट्वीटरमा ट्वीट गर्दै पार्टीभित्र यस बारेमा कुनै छलफल र निर्णय नभएको भन्दै हिजोका दिनको अडान यथावत् रहेको उल्लेख गरेका छन् ।

।

उनले यो अध्यादेश कानूनी, राजनीतिक र नैतिक हिसाबले समेत गलत भएको भन्दै सरकारले तत्काल अध्यादेश फिर्ता लिनुपर्ने माग गरेका छन् ।

उनले लेखेका छन्, ‘पार्टीभित्र यो अध्यादेशका बारेमा न त कुनै छलफल भएको छ, न कुनै निर्णय नै । त्यसैले विगतमा पार्टीको अडान जे थियो आज पनि त्यहि छ । यो अध्यादेश कानूनी, राजनीतिक र नैतिक हिसावले समेत गलत छ । यो असंवैधानिक र संसदीय व्यवस्थाको मर्म विपरित छ । सरकारले तत्काल अध्यादेश फिर्ता लिनुपर्छ ।' देशभर चौतर्फी सरकारको कदम विरुद्ध आलोचना भइरहेको छ ।

प्रकाशित मिति: सोमबार, मंसिर २६, २०७९ १६:४६