कांग्रेस संसदीय दलको नेता चयनका लागि उम्मेदवारी दर्ता हुँदै

राजनीति

गृहपृष्ठ
राजनीति
कांग्रेस संसदीय दलको नेता चयनका लागि उम्मेदवारी दर्ता हुँदै

कांग्रेस संसदीय दलको नेता चयनका लागि उम्मेदवारी दर्ता हुँदै

मंगलबार, पुस ५, २०७९ बागेश्वरी पोस्ट

नेपालगन्ज । संसदीय दलको नेता चयनका लागि आज नेपाली कांग्रेसभित्र उम्मेदवारी दर्ता हुँदैछ । निर्वाचन समितिले बुधबार हुने निर्वाचनका लागि हिजै नै मतदाताको नामावली सार्वजनिक गरिसकेको छ ।

आज दिउँसो २ देखि ३ बजेसम्म उम्मेदवारी दर्ताको समय तोकिएको छ । निर्वाचन समितिका संयोजक भीष्मराज आङ्देम्बेका अनुसार उम्मेदवारको प्रथम नामावली आज दिउँसो ३ः३० बजे प्रकाशन हुनेछ भने दिउँसो ३ः३० देखि ४ बजेसम्म उम्मेदवारको नामावलीमा दाबीविरोध हुनेछ ।

साढे ४ बजे उम्मेदवारको दोस्रो नामावली प्रकाशन हुनेछ भने आज साँझ ५ः४५ बजे अन्तिम नामावली प्रकाशन हुनेछ । उम्मेद्वारी दिनका लागि ५१ हजार रुपैयाँ दस्तुर लाग्ने भएको छ ।

संसदीय दलको नेताको मतदान भने बुधबार बिहान ८ बजेदेखि १० बजेसम्म हुनेछ । संसदीय दलको नेताका लागि प्रधानमन्त्री समेत रहेका कांग्रेस सभापति शेरबहादुर देउवा र महामन्त्री गगनकुमार थापाबीच प्रतिस्पर्धा हुने ठानिएको छ ।

तर, पछिल्लो पटक नेता डा. शेखर कोइराला पनि चुनाव लड्न सक्ने ठानिएको छ । कांग्रेस संसदीय दलको नेताको चुनावमा प्रत्यक्षतर्फ ५७ र समानुपातिकबाट ३२ सांसद मतदाता छन् ।

राष्ट्रपति विद्यादेवी भण्डारीले आगामी आइतबार पुस १० गतेसम्म सरकार गठनका लागि दावेदारी गर्न दलहरुलाई आह्वान गरिसकेकी छिन् ।

प्रकाशित मिति: मंगलबार, पुस ५, २०७९ ०९:४६

प्रतिक्रिया दिनुहोस्