देउबा विरुद्ध संसदीय दलको नेतामा शेखर समूहबाट गगन भिड्ने

राजनीति

गृहपृष्ठ
राजनीति
देउबा विरुद्ध संसदीय दलको नेतामा शेखर समूहबाट गगन भिड्ने

देउबा विरुद्ध संसदीय दलको नेतामा शेखर समूहबाट गगन भिड्ने

मंगलबार, पुस ५, २०७९ बागेश्वरी पोस्ट

नेपालगञ्ज । नेपाली कांग्रेसको संस्थापनइतर समूहबाट महामन्त्री गगन थापा संसदीय दल नेताका लागि उम्मेदवार हुने समझदारी बनेको छ । आज लौनचौरस्थित एक होटलमा भएको संस्थापनइतर समूहको भेलाले नेता शेखर कोइरालाको प्रस्तावमा महामन्त्री थापा संसदीय दल नेता उठ्ने समझदारी बनेको छ ।

संस्थापनइतर समूहबाट नेता कोइराला र थापा संसदीय दलको नेताका लागि उम्मेदवार हुन खोजेपछि एक जना मात्रै उम्मेदवार उठाउन केही दिनदेखि संस्थापनइतर समूहको भेला हुँदै आएका थिए । अर्का महामन्त्री विश्वप्रकाश शर्माले पनि संसदीय दल नेताको उम्मेदवारका लागि गगन थापालाई समर्थन गर्ने घोषणा गरिसकेका छन् ।

संस्थापन समूहबाट भने सभापति शेरबहादुर देउवा संसदीय दल नेताका लागि उम्मेदवार हुने पक्का छ। अब संसदीय दल नेताका लागि देउवा र महामन्त्री थापाबीच प्रतिस्पर्धा हुने देखिएको छ ।

निर्वाचन समितिले जारी गरेको निर्वाचन कार्यतालिका अनुसार आज दिउँसो २ बजेदेखि ३ बजेसम्म उम्मेदवारले मनोनयन दर्ता गरिसक्नुपर्ने हुन्छ । मनोनयन दर्ताका लागि कांग्रेसले ५१ हजार शुल्क तोकेको छ ।

कांग्रेसमा प्रतिनिधिसभामा ८९ जना सांसद छन् । उनीहरूले बुधबार बिहान ८ बजेदेखि १० बजेसम्म कांग्रेस संसदीय दलको कार्यालय सिंहदरबारमा मतदान गरेर दलको नेता चयन गर्नेछन् ।

प्रकाशित मिति: मंगलबार, पुस ५, २०७९ १२:३०

प्रतिक्रिया दिनुहोस्