कांग्रेस संसदीय दलको नेता छान्नका लागि मतदान सकियो

राजनीति

गृहपृष्ठ
राजनीति
कांग्रेस संसदीय दलको नेता छान्नका लागि मतदान सकियो

कांग्रेस संसदीय दलको नेता छान्नका लागि मतदान सकियो

बुधबार, पुस ६, २०७९ बागेश्वरी पोस्ट

नेपालगन्ज । नेपाली कांग्रेस संसदीय दलको नेता छान्नका लागि सबै ८९ सांसदले मतदान गरेका छन् । बिहान करिब आधा घण्टा ढिला गरी मतदान शुरु भएको थियो ।

निर्वाचन समितिले ८ देखि १० बजेसम्मको समय तोकेको भएपनि सभापति देउवा पक्षका सांसदहरुले कांग्रेस संसदीय दलको कार्यालय सिंहदरबारमा मतदानका लागि मोबाइल लैजान पाउनुपर्ने माग गरेपछि मतदान ढिला गरी भएको थियो ।

मतदान केन्द्रमा मोबाइल लैजान पाउनुपर्ने र हुँदैन भन्ने पक्षको विवाद हुँदा मतदान शुरु हुन नसकेको थियो । निर्वाचन समितिमा रहेका संस्थापन पक्षधर भिष्मराज आङदेम्बे र पुष्पा भुसास मोबाइल लैजान पाउनुपर्ने पक्षमा थिए भने संस्थापनइतर पक्षका प्रकाश स्नेही भने गोप्य मतदानमा मोबाइल लैजान हुँदैन भन्ने पक्षमा थिए ।

निर्वाचन समिति सदस्य स्नेहीका अनुसार सत्प्रतिशत मत खसकेको छ । अब केहीबेरमै मतगणना हुनेछ । ४५ मत ल्याउने उम्मेदवारले जित हासिल गर्नेछन् । शेरबहादुर देउवा र महामन्त्री गगन थापाबीच प्रतिस्पर्धा छ ।

प्रकाशित मिति: बुधबार, पुस ६, २०७९ १०:०४