ज्येष्ठ सदस्य पशुपतिले राष्ट्रपतिबाट लिए सपथ

राजनीति

गृहपृष्ठ
राजनीति
ज्येष्ठ सदस्य पशुपतिले राष्ट्रपतिबाट लिए सपथ

ज्येष्ठ सदस्य पशुपतिले राष्ट्रपतिबाट लिए सपथ

बुधबार, पुस ६, २०७९ बागेश्वरी पोस्ट

नेपालगन्ज । प्रतिनिधिसभाका ज्येष्ठ सदस्यको रूपमा राप्रपा सांसद पशुपतिशमशेर जबराले राष्ट्रपति विद्यादेवी भण्डारीबाट शपथ लिएका छन् । आज शीतल निवासमा एक समारोहबीच राष्ट्रपति भण्डारीले राणालाई शपथ गराएकी हुन् ।

भोली ज्येष्ठ सदस्य राणाले २७४ प्रतिनिधिसभा सदस्यलाई शपथ गराउनेछन् । निर्वाचन आयोगमा भरेको व्यक्तिगत फारममा महिन्द्रराय यादवको उमेर ८५ वर्ष उल्लेख थियो । तर, उनले आफ्नो नागरिकतामा उमेर धेरै भएको भन्दै शपथ नलिने जानकारी गराएपछि आयोगले संसद् सचिवालयलाई ८१ वर्षीय राणालाई ज्येष्ठ सदस्यको नाम पठाएको थियो । सोही नाम संसद् सचिवालयले राष्ट्रपतिलाई बुझाएपछि आज राणाले शपथ लिएका हुन् ।

संसद् सचिवालयले भोली प्रतिनिधिसभा सदस्यहरूको शपथ हुने सूचना जारी गरेको छ । राष्ट्रपति भण्डारीले आगामी १० पुससम्म प्रधानमन्त्रीमा दाबी गर्न आह्वान गरिसकेकी छन् ।

प्रकाशित मिति: बुधबार, पुस ६, २०७९ १५:५९

प्रतिक्रिया दिनुहोस्