नगरपालिका संघको केन्द्रिय सदस्यमा बाँकेबाट आचार्य र राई निर्वाचित

राजनीति

गृहपृष्ठ
राजनीति
नगरपालिका संघको केन्द्रिय सदस्यमा बाँकेबाट आचार्य र राई निर्वाचित

नगरपालिका संघको केन्द्रिय सदस्यमा बाँकेबाट आचार्य र राई निर्वाचित

बुधबार, पुस ६, २०७९ बागेश्वरी पोस्ट

नेपालगञ्ज । बाँकेको कोहलपुर नगरपालिकाका नगर प्रमुख पूर्णप्रसाद आचार्य र नेपालगञ्ज उपमहानगरपालिकाका उपप्रमुख कमरुद्दिन राई नेपाल नगरपालिका संघको केन्द्रिय सदस्यमा निर्वाचित भएका छन् ।

काठमाण्डौमा सम्पन्न संघको आठौं महाधिवेशनबाट आचार्य र राई केन्द्रिय सदस्यमा निर्वाचित भएका हुन् । आचार्य स्थानीय तहको निर्वाचनमा नेपाली काँग्रेसबाट निर्वाचित भएका हुन् भने राई जसपाबाट निर्वाचित भएका थिए । स्थानीय तहको निर्वाचन भएपछि पालिकामा जित हासिल गरेको पार्टीको संख्या अनुसार संघको भागवण्डा भएको हो ।

देशभरिका २ सय ९३ नगरपालिकाका जननिर्वाचित प्रतिनिधिबाट ५ वर्षको लागि नयाँ कार्यसमिति चयन गरिएको हो । अध्यक्षमा धादिङको नीलकण्ठ नगरपालिकाका प्रमुख भीम ढुंगाना चयन भएका छन् । आठौं महाधिवेशनबाट ४३ सदस्यीय कार्यसमिति सर्वसम्मत चुनिएको हो ।

प्रकाशित मिति: बुधबार, पुस ६, २०७९ १८:०४

प्रतिक्रिया दिनुहोस्