ओलीलाई भेट्न प्रचण्ड बालकोटमा

राजनीति

गृहपृष्ठ
राजनीति
ओलीलाई भेट्न प्रचण्ड बालकोटमा

ओलीलाई भेट्न प्रचण्ड बालकोटमा

आइतबार, पुस १०, २०७९ बागेश्वरी पोस्ट

फाइल फोटो

नेपालगन्ज । नेकपा एमालेका अध्यक्ष केपी शर्मा ओलीलाई भेट्न नेकपा माओवादी केन्द्रका अध्यक्ष पुष्पकमल दाहाल' प्रचण्ड' बालकोटमा पुगेका छन् ।

नेकपा टुटेपछि पहिलो पटक प्रचण्ड बालकोटमा पुगेका हुन् । नेपाली कांग्रेसका सभापति एवं प्रधानमन्त्री शेरबहादुर देउवासँग छलफल गरी सहमतिमा नपुगेपछि प्रचण्ड ओलीको शरणमा पुगेका हुन् ।

हिजो माओवादीका नेताहरुसँग एमालेका नेताहरुले गठबन्धन तोडेर नआएसम्म छलफलमा नबस्ने भनेसँगै आज प्रचण्डले गठबन्धनसँगको सम्बन्ध तोडेर नै ओलीलाई भेट्न बालकोट पुगेको बताइएको छ ।

प्रचण्डले आफू प्रधानमन्त्री बन्ने एक सूत्रीय माग लिएर अगाडि बढेकाले देउवासँग सहमति नमिलेपछि एमालेसँग मिलेरै भए पनि प्रधानमन्त्री बन्नेतर्फ लागेका हुन् ।

राष्ट्रपति विद्यादेवी भण्डारीले संविधानको धारा ७६ को उपधारा २ बमोजिम सरकार बनाउने दाबेदारी दिन आज साँझ ५ बजेसम्मको समय दिएकी छिन् ।

प्रकाशित मिति: आइतबार, पुस १०, २०७९ १४:२७

प्रतिक्रिया दिनुहोस्