नेपालगन्ज नाका भएर जोखिमपूर्ण यात्रा गर्ने बढे

समाचार

गृहपृष्ठ
समाचार
नेपालगन्ज नाका भएर जोखिमपूर्ण यात्रा गर्ने बढे

नेपालगन्ज नाका भएर जोखिमपूर्ण यात्रा गर्ने बढे

सन् २०२२ मा ५२९ जनाको उद्दार

शनिबार, पुस १६, २०७९ बागेश्वरी पोस्ट

नेपालगन्ज । बाँकेको नेपालगन्ज नाका भएर जोखिमपूर्ण यात्रा गर्नेहरुको संख्या बढेको छ । माइती नेपाल नेपालगन्जले सार्वजनिक गरेको तथ्यांकले जोखिमपूर्ण यात्रा गर्नेहरुको संख्या बढेको देखाएको हो ।

नेपालगन्जमा आज आयोजित पत्रकारसँग अन्तरक्रिया कार्यक्रममा माइती नेपाल नेपालगन्जमा संयोजक केशव कोइरालाले वितेको एक वर्षमा नेपालगन्ज नाका भएर जोखिमपूर्ण यात्रा गरेका ५२९ जनालाई सीमा नाकाबाट उद्दार गरिएको बताए । कोइरालाले सामाजिक संजालको सुझबुझपूर्ण प्रयोग नहुँदा पछिल्लो समय जोखिम बढेको बताए ।

जोखिमपूर्ण यात्रा गर्ने सबैभन्दा बढी सुर्खेतका ८६ जना छन् । बाँकेका ८२ जना छन् । बाँकेमा सबैभन्दा धेरै कोहलपुरका २१ जना र बैजनाथका २० जना रहेको माइती नेपाल नेपालगन्जले जनाएको छ । जबकि सन् २०२१ मा ४३४ जनाको उद्दार गरिएको थियो । त्यसअघि यो संख्या २६७ थियो ।

पारिवारिक पुनः मिलन गराइएको संख्या भने यस वर्ष बढेको छ । कोइरालाका अनुसार सन् २०२२ मा ५३४ जनालाई पारिवारिक पुनः मिलन गराइएको छ । सन् २०२१ मा ४३२ जनालाई पारिवारिक पुनः मिलन गराइएको थियो । पछिल्लो एक वर्षमा सीमा नाकाबाट परामर्श दिई घर फर्काइएको संख्या ५२७ रहेको माइती नेपालले जनाएको छ ।

यस्तै खोजतलासका लागि निवेदन दिनेको संख्या ६९३ रहेकोमा २४९ जना फेला परेका छन् । यो अवधिमा वेचविखनका ५ वटा मुद्दा दर्ता भएका छन् ।

प्रकाशित मिति: शनिबार, पुस १६, २०७९ १४:१३

प्रतिक्रिया दिनुहोस्