लुम्बिनी प्रदेशसभाका सदस्यले लिए पद तथा गोपनीयताको शपथ

राजनीति

गृहपृष्ठ
राजनीति
लुम्बिनी प्रदेशसभाका सदस्यले लिए पद तथा गोपनीयताको शपथ

लुम्बिनी प्रदेशसभाका सदस्यले लिए पद तथा गोपनीयताको शपथ

आइतबार, पुस १७, २०७९ बागेश्वरी पोस्ट

नेपालगञ्ज । लुम्बिनी प्रदेशसभाका सदस्यहरुले आज पद तथा गोपनीयताको शपथ लिएका छन् ।

प्रदेश प्रमुख अमिक शेरचनले प्रदेशसभा सदस्यहरुलाई शपथ गराएका हुन् । ८७ जना प्रदेशसभा सदस्यमध्ये ९ जनाले आफ्नै मातृभाषामा शपथ लिएका छन् भने अरुले नेपाली भाषामा नै शपथ लिएका छन् । स्थायी राजधानी दाङको देउखुरीस्थित नवनिर्मित प्रदेशसभा भवनमा सांसदहरुले शपथ लिएका हुन् । ८७ सदस्यीय प्रदेशसभामा नेकपा एमालेबाट २९, नेपाली कांग्रेसबाट २७, माओवादी केन्द्रबाट ९, राप्रपा र नागरिक उन्मुक्ति पार्टीबाट ४/४ जना, जसपा, लोसपा, जनमत पार्टी र स्वतन्त्र ३/३ जना, नेकपा एकीकृत समाजवादी र राष्ट्रिय जनमोर्चाबाट एक/एक जना सांसद रहेका छन् ।

त्यस्तै लुम्बिनी प्रदेशसभाको दोस्रो कार्यकालको पहिलो अधिवेशन भोली सुरु हुने भएको छ । प्रदेश प्रमुख अमिक शेरचनले संविधानको धारा १८३ को उपधारा १ बमोजिम पुस १८ गते दिउँसो १ बजे प्रदेश सभा अधिवेशन आहृवान गरिएको प्रदेश सभा सचिव दुर्लभ पुनले बताए । हालसम्म अस्थायी मुकाम बुटवलमा बस्दै आएको अधिवेशन पहिलोपटक लुम्बिनीको राजधानी दाङ, देउखुरीमा नवनिर्मित प्रदेश सभा भवनमा बस्ने लागेको हो ।

प्रकाशित मिति: आइतबार, पुस १७, २०७९ १७:५३

प्रतिक्रिया दिनुहोस्