लुम्बिनीमा नयाँ सरकार गठनका लागि दाबी पेश गर्न आह्वान

राजनीति

गृहपृष्ठ
राजनीति
लुम्बिनीमा नयाँ सरकार गठनका लागि दाबी पेश गर्न आह्वान

लुम्बिनीमा नयाँ सरकार गठनका लागि दाबी पेश गर्न आह्वान

बिहीबार, पुस २१, २०७९ बागेश्वरी पोस्ट

नेपालगञ्ज । लुम्बिनी प्रदेशमा नयाँ सरकार गठनका लागि दाबी पेश गर्न प्रदेश प्रमुखले दलहरुलाई आह्वान गरेका छन् । आज प्रदेश प्रमुख अमिक शेरचनले संविधानको धारा १६८ को उपधारा २ अनुसार नयाँ सरकारको मुख्यमन्त्री नियुक्त गर्न ७ दिनको समय सीमा दिएर नयाँ सरकार गठनका लागि आहृवान गरेका हुन् ।

‘प्रदेशसभामा प्रतिनिधित्व गर्ने दुई वा दुई भन्दा बढी दलहरूको समर्थनमा बहुमत प्राप्त गर्न सक्ने प्रदेशसभा सदस्यलाई वाग्मती प्रदेशको मुख्यमन्त्री नियुक्त गर्नका लागि मिति २०७९ पुस २७ गते बुधबार दिउँसो ४ बजेभित्र दाबी पेश गर्न माननीय प्रदेश प्रमुखज्यूबाट आहृवान भएको छ,’ प्रदेश प्रमुखको कार्यालयका प्रवक्ता चिरञ्जीवी पौडेलद्वारा जारी विज्ञप्तिमा उल्लेख छ ।

८७ सदस्यीय प्रदेशसभामा सरकार गठनका लागि ४४ जना सांसद आवश्यक हुन्छ  । प्रदेशमा हालसम्म कुन पार्टीले नेतृत्व गर्ने टुंगो लागेको छैन । हालसम्मको अंकगणित हेर्दा एमालेको सम्भावना बलियो देखिन्छ । केन्द्रीय सत्ता समीकरण अनुसार प्रदेशसभामा एमालेका २९, माओवादीका ९, नागरिक उन्मुक्ति र राप्रपाका ४/४ एवम् जनमत र जसपाका ३/३ गररी ५२ जना सांसद पुग्छन् । स्वतन्त्र उम्मेदवारी दिएर चुनाव जितेका एक जना पनि माओवादीमा फर्केका छन् ।

प्रकाशित मिति: बिहीबार, पुस २१, २०७९ १३:२९

प्रतिक्रिया दिनुहोस्