तराईमा आज पनि हुस्सु र कुहिरो

समाचार

गृहपृष्ठ
समाचार
तराईमा आज पनि हुस्सु र कुहिरो

तराईमा आज पनि हुस्सु र कुहिरो

सोमबार, पुस २५, २०७९ बागेश्वरी पोस्ट

नेपालगञ्ज । तराईमा हुस्सु र कुहिरो लागेको छ । मध्य तराईमा शीत लहर पनि चलिरहेको छ । पहाडी क्षेत्रमा बदली छ । मौसम पूर्वानुमान महाशाखाका अनुसार पश्चिमी न्यून चापीय प्रणालीका कारण मौसममा खराबी आएको हो ।

दिउँसो सुदूरपश्चिम, कर्णाली, गण्डकी र लुम्बिनीमा आंशिकदेखि सामान्य बदलीको सम्भावना छ । सुदूरपश्चिम, कर्णाली र गण्डकीका हिमाली भूभागका एक वा दुई स्थानमा हल्का हिमपातको आँकलन गरिएको छ ।

मङ्गलवार पहाडी भूभागमा आंशिकदेखि सामान्य बदलीको सम्भावना छ भने उच्च पहाडी तथा हिमाली भूभागका थोरै स्थानमा हल्का हिमपातको आँकलन गरिएको छ ।

प्रकाशित मिति: सोमबार, पुस २५, २०७९ ०९:०४

प्रतिक्रिया दिनुहोस्