सरकारलाई समर्थन गर्ने कांग्रेसको निर्णयप्रति ओलीको आशंका !

राजनीति

गृहपृष्ठ
राजनीति
सरकारलाई समर्थन गर्ने कांग्रेसको निर्णयप्रति ओलीको आशंका !

सरकारलाई समर्थन गर्ने कांग्रेसको निर्णयप्रति ओलीको आशंका !

मंगलबार, पुस २६, २०७९ बागेश्वरी पोस्ट

नेपालगन्ज । नेकपा एमालेका अध्यक्ष केपी शर्मा ओलीले कांग्रेसले सरकारलाई समर्थन गर्ने निर्णयप्रति आशङ्का व्यक्त गरेका छन् ।

प्रतिनिधिसभाको जारी बैठकमा प्रधानमन्त्री पुष्पकमल दाहाल प्रचण्डले आफूलाई विश्वासको मत दिन राखेको प्रस्तावमाथि धारणा राख्दै अध्यक्ष ओलीले सरकारलाई समर्थन गर्ने कुनै जालझेल होइन भने काँग्रेसको निर्णयलाई स्वागत गर्ने बताए । तर, यदि जाल हो भने काँग्रेसले माछा नभएको खोलामा जाल फ्याँकेको ओलीको भनाई छ । उनले काँग्रेसले केही नपाउने पनि दाबी गरे ।

‘काँग्रेसले सरकारलाई समर्थन गर्ने निर्णय गरेको छ । यो जाल होइन भने स्वागतयोग्य छ,’ अध्यक्ष ओलीले भने, ‘यदि जाल हो भने काँग्रेसले माछा नभएको खोलामा जाल फ्याँकेको हुनेछ।’ सरकारलाई समर्थन गरेको काँग्रेस पनि सत्तापक्ष रहेको ओलीको बुझाई छ ।

प्रकाशित मिति: मंगलबार, पुस २६, २०७९ १६:०२

प्रतिक्रिया दिनुहोस्