बाँके-२ मा अब कांग्रेसलाई रिभाइभ गर्न लाग्छुः सह-महामन्त्री राठौर

राजनीति

गृहपृष्ठ
राजनीति
बाँके-२ मा अब कांग्रेसलाई रिभाइभ गर्न लाग्छुः सह-महामन्त्री राठौर

बाँके-२ मा अब कांग्रेसलाई रिभाइभ गर्न लाग्छुः सह-महामन्त्री राठौर

शुक्रबार, पुस २९, २०७९ बागेश्वरी पोस्ट

नेपालगञ्ज । नेपाली कांग्रेसका सह-महामन्त्री किशोरसिंह राठौरले बाँके २ मा कांग्रेस फेरि रिभाइभ हुने बताएका छन् । नेपाली कांग्रेस नेपालगञ्ज उपमहानगरपालिका वडा नम्बर ६ इकाई समितिले नेपाली कांग्रेसका तर्फबाट प्रतिनिधिसभा र प्रदेशसभामा नवनिर्वाचित सांसदहरुलाई बधाई ज्ञापन तथा सम्मान गर्न आयोजना गरेको कार्यक्रमलाई सम्बोधन गर्दै बाँके ३ बाट निर्वाचित सांसद राठौरले पूर्व पार्टी सभापति एवम् पूर्व प्रधानमन्त्री स्वर्गीय सुशिल कोइरालाको क्षेत्रमा कांग्रेसको जमानत जफत हुनु नेता कार्यकर्ताका लागि लज्जाको विषय भएको बताउँदै अब यो क्षेत्रमा कांग्रेसलाई रिभाइभ गर्ने गरी आफू लाग्ने बताए ।

No description available.

"तपाईं नेता कार्यकर्ताहरु लाज मान्नुस, यो क्षेत्रमा जमानत जोगाउन सक्नुभएन, तपाईंहरुले लाज मान्नुपर्ने होइन ?," राठौरले भने- "मैले अठोट लिएको छु, अब कांग्रेसलाई यहाँ रिभाइभ गर्ने हो, सबै संगठन बनाउन लागौं, पार्टीलाई बलियो बनाऔं ।" उनले पार्टी बलियो भएमा मात्र अवसरहरु आउने उल्लेख गर्दै मेहनत नगरेर पार्टी नबन्ने बताए । लुम्बिनी प्रदेशसभाकी सांसद सुशिला नेपाली बादीले आफूहरुले पाएको अवसरलाई खेर जान नदिएर जनजिविकाका पक्षमा काम गर्ने दृढता व्यक्त गरिन् ।

नेपाली कांग्रेस बाँकेका उपसभापति गोपालप्रसाद अधिकारीले पार्टीले लिएको नीतिलाई ख्याल गर्दै जनजिविकाका सवालमा ध्यान केन्द्रित गरेर काम गर्न नवनिर्वाचित सांसदहरुलाई आग्रह गरे । उनले सांसदहरुलाई कार्यक्रम ल्याउँदा पार्टीसंग समन्वय गरे त्यसलाई सफल बनाउन होस्टेमा हैंसे गर्ने बताए । अधिकारीले पार्टी संगठनलाई मजबुत बनाउन फागुन १५ गतेदेखि ८१ वटै वडामा प्रशिक्षण कार्यक्रम सञ्चालन गर्ने तयारीमा आफूहरु रहेको जानकारी दिए ।

No description available.

कार्यक्रममा संघीय सांसद राठौर तथा प्रदेशसभा सांसदहरु बादी, बादशाह कुर्मी र मिना सिद्धिकीलाई सम्मान गरिएको थियो । इकाई उपसभापति राम भारतको सभापतित्वमा भएको कार्यक्रममा क्षेत्रीय प्रतिनिधि बसन्त उपाध्यायले स्वागत मन्तब्य व्यक्त गरेका थिए । कार्यक्रमको सञ्चालन इकाई सचिव दिलिप रेग्मीले गरेका थिए । त्यसक्रममा लुम्बनी प्रदेश कार्यसमिति सदस्य कृष्णा सापकोटा चौधरी, कांग्रेस बाँके कोषाध्यक्ष यज्ञबहादुर बस्नेत, नेताहरु राजकुमार बर्मा, मो. याकुव अन्सारी, नेपालगन्जका नगर प्रमुख एवम् कांग्रेस नगर सभापति प्रशान्त विष्ट लगायतको उपस्थिति थियो ।

No description available.