रिहार र बाह्रकुने दहमा लाग्ने मेलाको लागि साढे २ सय प्रहरी परिचालन

समाचार

गृहपृष्ठ
समाचार
रिहार र बाह्रकुने दहमा लाग्ने मेलाको लागि साढे २ सय प्रहरी परिचालन

रिहार र बाह्रकुने दहमा लाग्ने मेलाको लागि साढे २ सय प्रहरी परिचालन

शनिबार, पुस ३०, २०७९ बागेश्वरी पोस्ट

नेपालगञ्ज । दाङको रिहार र बाह्रकुने दहमा लाग्ने मेलाको लागि साढे २ सय प्रहरी परिचालन गरिने भएको छ ।

माघीको अवसरमा लाग्ने मेलामा सुरक्षा दिन साढे दुई सय प्रहरी परिचालन गरिने जिल्ला प्रहरी कार्यालयका प्रवक्ता डिएसपी राजन गौतमले जानकारी दिए । उनका अनुसार बाँकेबाट पनि थप प्रहरी मागिएको छ ।

लमहीको रिहार र घोराहीको बाह्रकुनेमा लाग्ने मेलाको सुरक्षाका लागि बाँकेस्थित खजुराको गणबाट ५० जनाको टोली बोलाइएको हो । जिल्ला प्रहरी कार्यालयबाट दुई सय र बाँकेबाट बोलाइएका ५० गरी साढे दुई सय जना प्रहरी सुरक्षाको लागि खटिने भएका हुन् ।

यी दुबै ठाउँमा माघीको अवसरमा परापूर्वकालदेखि मेला लाग्दै आएको छ । रिहारमा नेपालसहित छिमेकी देश भारतबाट ठूलो संख्यामा भक्तालु आउने गर्छन् । त्यहाँको कुण्डमा स्नान गरे पुन्य प्राप्त हुने, पाप नास हुने, मागेको मनोकांक्षा पूरा हुने धार्मिक विश्वास रहँदै आएको छ ।

त्यस्तै बाह्रकुने दहमा स्नान गरी वर मागेमा सन्तान हुने विश्वास रही आएको छ । बाह्रकुने दहमा भेडा, कुखुरा बली दिने प्रचलन समेत छ । परेवा उडाउने पनि गरिन्छ । रिहारमा भने सबै खाले पशुवली दिने गरिन्छ । रिहारस्थित कुण्डमा स्नानका लागि केही दिन पहिलेदेखि नै भारतीय नागरिक आएर आगोको धुनी बालेर सोही ठाउँमा बास बस्ने गर्छन् ।

प्रकाशित मिति: शनिबार, पुस ३०, २०७९ १३:०७

प्रतिक्रिया दिनुहोस्